无綫小花江嘉敏凭三年前处女作《亲亲我好妈》一夜爆红，惟火箭式上位却带来不少是非，她接受专访时自爆初入行期间因承受不了负评压力，曾一度想过退出娱乐圈兼上天台寻死一了百了！
现年25岁的江嘉敏，入行至今剧接剧成当红小花，于人前是大笑姑婆的她，隐晦重提初入行时的暗黑史，两年半前远赴英国拍摄剧集《兄弟》时，被指主动出击姣沟人夫王浩信！
嘉敏自称是火爆之人，犹如炸弹一点即爆，故当初边睇新闻边嬲，一怒之下决定“落闸”，决定不再接触任何娱乐新闻，避免情绪受牵动。
在没有心理准备之下成为话题对象，嘉敏坦言事发后变得神经质，更激动到差点轻生做傻事︰“嗰排系狂爆喊，估唔到一张剧照就有一个‘好好笑’嘅故事出嚟，
控制唔到情绪谂埋一边，因为呢啲是非，我系唔想再踏足呢个行业，直情好想喺天台了结生命，真系有呢一刻！（有自残？）咁又未。”
幸好每当有任何负面情绪，她都会于社交平台上剖白发泄，因而获张继聪、宣萱、刘颖镟及监制陈维冠“拯救”，最后成功走出困局。
不过，嘉敏再爆即使受过援助，但仍“自闭”足几个月时间，全程活于自己世界内︰“就好似喺个圈圈入面，唔想见其他人、唔想讲嘢，如果再同男艺人讲嘢又话我沟佢，同女仔讲嘢又话我锺意佢。
（惊唔惊有情绪病？）真系惊！”可有跟家人分享内心世界？她内疚说︰“两个妹比较多，爹哋、妈咪就真系比较少讲，所以妈咪曾经讲过‘点解你唔开心，我要喺社交平台见到先知？’听完真系好唔开心！”
说到此时，嘉敏难过得哽咽起来︰“真系忽略咗屋企人对我嘅感觉，依家一有唔开心、一有事，都会先同佢哋备定案，之后佢哋睇到娱乐新闻都唔使惊讶，慢慢佢哋都开始成为聆听者角色。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
