香港
无线新闻资讯节目《真相猜‧情‧寻》探讨“八仙岭山火之谜”，团队在节目中表示一直被外界质疑曾在山上吸烟的张润衡原答应受访，但最终拒绝。方东昇在节目尾声旁白中，说︰“如果我哋搵到答案，但无汲取教训，历史迟早重演，悲剧只会再临，到时或者会真正应验一句话：真相，畀你搵到又点呢？”其中“真相，畀你搵到又点呢？”是张润衡多年前受访曾说的。节目播出后激起不少网民讨论及在张润衡的社交平台留言，要求他交代山火真相及质疑他为何不受访。
张润衡昨天（3日）在社交网以长文回应网民︰“其实嗰句说话我係被网络cap图出嚟断章取义。我真係唔明啲乜嘢面对传媒对答问题，我唔係一个受过公关训练嘅公众人物。嗰阵时个访问问我想唔想知道真相，我嗰一刻个脑都好混乱。你想我点答？（首先，係你哋认定係我做，但係我亦都确实话俾你听嗰个唔係我）山火发生嗰阵，其实我係坐咗喺度玩game boy ，听到老师叫我走，我就即刻走。我点样知真相？我都唔知真相，我点样回答？最近都有传媒Cap番嗰阵时我讲成段嘅说话，你锺意嘅可以自己睇番，我淨係知道我人生入面唔係剩係得一段创伤，我仲有好多责任，所以我自己已经唔想再回望过去。我唔会睇佢呢个节目，呢个节目本身就係出于极唔尊重嘅情况发生。有好多镜头以外嘅嘢你哋唔知，正如我从来都冇应承过佢哋接受访问，佢就夹硬喺个节目度话我应承咗佢。事实係嗰个李嘉嘉一开始打电话俾我，我已经拒绝咗。
佢要约我倾几句，得，我就约咗佢谂住倾几句。点知佢带晒成对人过嚟，完全事前冇通知过我。呢啲嘢你哋又知咩？OK，我照同佢哋讲我嘅谂法，我亦都有同佢哋讲清楚关于大家成日话我讲嗰句‘真相...’嘅说话，亦都叫佢查清楚，睇番条影片我想表达啲乜嘢。然后就变成咗你哋睇到个节目，佢不停攞呢一句出嚟做soundbate。
喺我角度睇，佢哋都係为收视为流量啫。我改变唔到，你哋点睇电视，但係从我角度嚟睇，你哋都係喺嗰几十分钟嘅节目入面，就好似觉得自己得到晒所有嘅资讯一样，其实呢堆节目都係喺一个前提底下（留意番，节目入面班主持所问嘅问题，全部都係引导性㗎啦），令你哋嘅情绪侧向一边咋嘛。所以，我依家都係保持嗰个谂法㗎，真相？你哋真係想搵真相咩？我都有睇部份嘅留言，全部都係偏颇性嘅，大家只不过想搵个你哋睇唔顺眼嘅人你攻击吓啫。”
张润衡晚上表示︰“过去大半天，我花了很多时间回覆部分留言，主要是因为一些不实指控已经困扰了我十年，我觉得有必要澄清一些无理和被歪曲的说法。我已经尽力回应了许多问题和留言。现在是星期日晚上9:40左右，从这一刻开始，我会暂停回覆所有留言。原因很简单 - 我需要在太太回来前晾好衣服，而且公司还有一堆工作等著我处理，是时候回到现实生活中的责任了。
明天又是一个Blue Monday，我的工作计划已经排得爆满的（明天在中心有三个case要处理、同事正追杀紧我有几份表格要处理、仲有两个小组要带、晚上仲要返自己公司处理一些工作），恐怕没有太多时间查看手机。我已安排同事帮忙跟进这个帖子的留言。我以向同事作出指示- 所有带有冒犯性和滋扰性的留言会被举报及封锁，而希望理性讨论的留言，我会在有空时尝试回覆（请见谅，社工嘅工作真係好忙，我依家都有少少想逃避睇到我今个星期嘅schedule ）。再次感谢大家的关注，祝各位有个愉快的晚上。”
对于张润衡的指控，电视广播有限公司助理总经理（企业传讯）黄德慧表示︰“本台一向秉持真实报道为原则，节目亦按专业守则严谨制作，对于个别言论，本台不作进一步回应。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
