升呢做人妻︱张秀文教堂行礼 “媒人”林盛斌见证
34DTVB咪神张秀文上月晒出婚照报喜，宣布嫁“皮草太子爷”王大业堂弟、现年30多岁嘅金融才俊王大权（Billy），原来话咁快大喜日子已到。
今日（23日）好友林盛斌（Bob）上载与一对新人于教堂前影嘅合照，留言写道：“又搞掂一单！恭喜恭喜！”
文章来源：TVB资讯台 W博：@香港TVB资讯台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
张秀文之所以认识到依家嘅老公，系多得“金牌媒人”Bob撮合，难怪呢位媒人咁戥佢哋高兴！作为新娘子嘅张秀文就未有更新社交网，唔少网民纷纷留言送上祝福。
“媒人”收新郎哥利是
Bob回覆东网表示：“今日系好开心嘅，见到佢哋有情人终成眷属，同埋要好多谢佢哋特别安排，完咗签字仪式之后，佢哋喺教堂入面同屋企人合照，影完两张最重要嘅男家女家之后，主持人开咪叫我上去单独同佢哋影，突然之间觉得自己地位好崇高，哈哈！
成个过程都好感动，特别系佢哋讲誓言嘅时候，我都眼湿湿！最好笑嘅系佢哋嘅爸爸妈妈同亲戚不断咁同我讲多谢，有两个亲戚仲问我有冇笋盘介绍畀佢个女！
仲有新郎哥实在太客气，我都畀佢吓一吓，无啦啦塞咗封利是我，我话唔使搞呢啲嘢，推推拉拉咗一轮，佢话一定要收，啲宾客又喺度望住，搞到好鬼尴尬，哈哈！总之衷心祝福佢哋幸福快乐，快快脆脆生几个小朋友啦！”
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
谭嘉仪入行10年终于开处女个唱：好感动！
歌手谭嘉仪宣布将于明年1月28日在麦花臣场馆举行首个个人演唱会，门票今日（23日）起公开发售。
嘉仪由歌唱比赛入行已经10年，期间创作了多首歌曲，包括《印记》、《扯线木偶》，翻唱的几首大热金曲《陪著你走》、《今宵多珍重》都广为人熟悉，而一系列的英文歌曲《Can You See》亦深受注目，她为今次演唱会特别做了一首跟演唱会同名的主题曲《Eyes On Me》。
她表示：“今次演唱会主题系eyes on me，所以好想大家嘅目光只放喺我身上，尤其系对眼，所以影海报当日化咗个好靓好彩色嘅眼妆，我系从来未试过嘅，估唔到出嚟嘅效果好好，连我自己都唔敢相信，真系好锺意！辛苦团队帮我设计咗咁靓嘅造型！”
她亦开心终于开到骚：“当听到可以开演唱会嘅消息，我真系好感动，等咗10年终于成真，真系好兴奋又感动！由起初唱cover，再拥有第一首属于自己嘅单曲同专辑，一步一步去追寻自己嘅音乐梦想，依家终于可以举行个人演唱会！真系好多谢公司，仲有身边嘅朋友家人，呢个演唱会系属于大家嘅，希望大家都会嚟支持。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
