TVB小生张振朗为无綫台庆剧《拳王》丧操变“肌”佬，为准备泰拳拳手呢个角色，事前佢狂睇拳赛片做功课，务求令自己有真实感。问到佢最叻出边招？佢抵死笑话最叻中拳：“我嗰个角色系一个忍耐力好强嘅人，虽然系会打番人，但个比例系七三，七系中拳、三系出拳！我成日都畀人打到瞓低！拍呢一套剧食嘅拳系我呢三世加埋嘅拳，根本未试过畀人打！未试过但觉得好好玩。”
拳脚冇眼，问到拍摄期间有误中对手拳而受伤？有“地狱黑仔王”之称嘅佢笑话今次行运，少少瘀系好正常，最重要系保得住块面：“有拳套畀我哋去挡，但系脚就好得意，泰拳系拳脚踭膝，有阵时系用上五吋下五吋去挡，就未必系每一个对手都可以好清晰、用啱力去到嗰个位，我试过有一啲对手，系唔识就力，真系硬生生咁样踢落嚟！”
续生动描述有次全日拍摄，第一场、第一Take就“中招”：“第一吓用脚去挡嘅时候，咦？哗！点解会咁嘅？跟住，OK！冇办法，都要继续去，点解咁痛嘅？唔理啦！我就送番一嘢畀佢！现场有好多演员都系做观众，佢哋就话呢一场打得好真，哈哈！”
另外，振朗仲话有次拳赛系同真正拳手比试，上台嗰刻怯到爆，形容对手个样真系好似想杀咗人咁：“嗰场戏系讲佢一拳打落嚟，我冇嘢望番佢，唔知系咪佢哋惯咗嗰个力，以为我有个拳手身形顶得顺， Action嗰阵时佢一拳打埋嚟，入咗！跟住我谂住做埋个反应望一望，唔得！即刻瞓咗系地下度，嗰一拳我谂佢已经留咗力㗎啦，只不过喺佢心目中嗰个力度可能得5成，但系我哋呢啲普通人就有成7、8成，我好记得呢一吓，希望可以剪番呢啲NG片出嚟，真系几好笑！”
虽然频频食拳，但佢话拍完都真系谂过参加业馀拳赛：“行动前谂深一层，都系靠个样搵食嘅，冇啦啦打瘀咗第二日返工就唔系咁好啦，不过真系会有咁嘅谂法，几得意嘅！”
今次饰演拳手令振朗有一大突破，佢话之后想试多啲唔同角色，更渴望做“爸爸”：“尽量唔好畀我成日做埋同一样嘅嘢，譬如今次由好瘦变好大只，系一个突破，下次可唔可以做一个打拳嘅肥佬，甚至凑吓仔我都OK。（演过爸爸未？）未演过！仲要系未婚爸爸嗰只，当系大学毕业嗰啲，凑一个六、七岁嘅仔嘅时候点样去面对，或者试吓做反派杀人犯，基本上我真系未做过反派，只系做过好多次蛊惑仔。”
《青春本我》收14.6点 《拳王》赢口碑输收视
上周收视出炉，每年一度的大型筹款节目《欢乐满东华2021》与声梦学员主演的歌舞剧《青春本我》同样录得14.6点收视。
至于处境剧《爱．回家之开心速递》成绩稳定，有21.4点收视，而台庆剧《拳王》虽然口碑不俗，然而成绩却不似预期比之前轻微下跌，只有15.7点收视，看来要加把劲。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
