高钧贤被富婆追求　直播打赏过百万：她一定係有实力女士

高钧贤被富婆追求　直播打赏过百万：咁一定係有实力女士丨专访

41岁的高钧贤（Mattew）是前香港先生冠军，外形高大帅气，读书时已是冰上曲棍球队队长及篮球健将，更拥有十级的钢琴资格，动静皆宜，难怪在情场上战无不胜。提起恋爱经验，高钧贤一副沾沾自喜笑说：“我都係追求爱情嘅人，由细到大不断拍拖。次数？都数到嘅...但唔会少”。

做直播曾获打赏过百万

高钧贤自认情史丰富，过去有不少女士主动追求，更曾在直播中获百万元打赏，他说：“半年？打赏七位数，咁一定係一位比较有实力嘅女士。（对方会否有特别要求？）冇，但当然会表示好欣赏及喜欢我，我亦有明确态度，大家只係朋友关係。”

高钧贤去年底突然宣布封盘，迎娶圈外女友Christine（黄梓漫），今年年初更诞下爱女高子琳（Liona），身份两级跳。一直有传Christine家底雄厚，是一位内地美容界富婆，据指她有份投资的美容院在香港一共有4间分店。高钧贤大讚老婆叻女，“佢确实係一个好勤力、靠自己嘅一个女人，我好欣赏佢呢部份，帮小朋友安排学校、生活都好妥当，仲要勇敢去追求爱情，呢方面我係几锺意。”

自认Playboy为爱妻安定下来

高钧贤透露与太太在疫情期间已经认识，对方曾赞助他头髮护理，但真正拍拖到结婚只是短短半年时间，“我哋由共同朋友介绍，有私下约食饭，当时大家有火花，但唔够胆开始，因为我都未试过同有小朋友女嘅女士拍拖，唔知从何入手。

但后来发现大家都经历过唔好嘅感情，好多嘢已经唔係一个问题，最重要大家开心同夹。佢嘅经历係有小朋友，但唔代表我嘅经历比佢小，我都係乜都试过玩过，到我认真想组织一个家庭，都要比足够信心佢。”

对于外界用“富婆”标纤太太Christine，高钧贤想了一会说：“唔係，当然佢搵到钱，未来都有机会，因为佢真係好努力。”他透露二人是财政独立，但又会不分彼此，“我哋有做唔同嘅生意，有时佢都会俾好多idea，甚至做埋我半个经理人帮手接少少job，冇分得咁清楚，但各自收入都係各自独立。例如计划旅行或买bb用品，边个方便咪边个搞掂，就算买一啲财产例如车，都係有时佢买有时我买，但冇开一个联名户口，唔会分得咁清楚。”

被指“食软饭”高EQ回应

高钧贤近年一剧接一剧，又创立自家的服装品牌做直销，但却常被指“食软饭”。

高钧贤高EQ回应：“食软饭都冇所谓，当开心去睇。我好明白每个人感受，社会好困难，如果佢哋讲完令佢哋开心快乐，我作为艺人都满足到佢哋。例如我锺意食炸鸡，但都要食吓粥，食吓软饭都唔错吖，哈哈。”相反，高钧贤太太就好介意被评样貌及年纪，经常要高钧贤安抚。

其太太与前夫所生的一对子女关係，高钧贤亦视如己出，但觉得做Stepfathe比后父好，他解释：“我哋会叫对方英文名，我觉得Stepfather只係隔咗一个step，但唔代表冇爸爸嘅爱，但又冇后父咁大压力。”

他指太太的女儿一直渴望有更多父爱，高钧贤亦会尽力舒缓囡囡情绪，“我介绍佢去跳拉丁舞，结果真係好啲，之前佢唔想我哋去睇佢表演，但依家会叫埋，对上一次仲主动过嚟揽住我，慢慢嚟，要自自然然。”