离巢无线不再顾及形象！前TVB男星自爆有P友超过10年

离巢TVB一身鬆自爆搵炮友逾10年
翟威廉承认有海量性伴侣：反正冇Fans唔想再讲大话

39岁翟威廉（William）曾被麦贝夷数臭“性伴侣多得惊人”，3月尾与TVB结束13年宾主关係的他，冇咗合约包袱一身鬆晒，除开心不用再啃“猪头骨”角色，更因“我都冇Fans㗎啦”豁出去，自爆十多年来身边只有SP(性伴侣又称炮友)，甚至以“惊人”形容数量。

他又大谈有性冇爱的生活模式，更分析SP玩家心理，解构都市人点解要炮友唔要女友，麻烦晒“SP KOL”。採访：方骞平 场地：藏鸢 x 赤鬼居酒屋

翟威廉是2010年《香港先生》“八料冠军”，过去演过唔少“渣男”、“富二代”及“大奸角”，近年成立Live玩埋Band show。

William对于离巢冇半点怨言：“虽然投资咗13年青春，但都OK嘅，份工有粮出㗎嘛，而且帮到知名度，又唱到歌仲学埋做直播，家每年《东华》网上音乐直播都由‘Happy Live’包办。”

“猪头骨”交新一代

William透露过往收入最高峰时，计埋爆骚月入超过5万元，虽然近年较差，但“包薪”少极都有3万元：“公司需要减磅，提出换方式再合作，少咗一份收入对我影响唔大，因为近年一直有其他job。”

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他认为自由身合作更好，有得选择剧本：“以前我同黄祥兴啃咗唔少唔讨好嘅‘猪头骨’角色，有合约在身推得多又唔係几好，家可以交畀新一代接手。”

问到日后会否想改邪归正？他笑言奸得嚟有戏做都会接，希望保持合作关係。因为经济唔好，William坦言会悭啲使：“未来赚钱能力越来越低，店铺出现执笠潮，所以大家都要悭，如果谂住一铺翻身係死亡先兆，我都将清酒搬上网卖。”

慎防性病带眼识人

3年前，麦贝夷接受本报访问，激动喊爆数臭被翟威廉“食”完唱，指男方只视她为“炮友”，更揭对方性伴侣惊人。

William坚持唔提麦贝夷，但承认是“SP玩家”，有超过10年经验，他毫不掩饰，非常大胆直认：“都差唔多40岁啦，唔想再嘥时间讲大话，反正我都冇Fans㗎啦。其实多年来我就係咁样(多伴侣)生活，呢个就係我生活模式。”

当追问SP数量时？William就坚持保密，唔想吓亲人：“数量肯定多，因为唔係日日见，有啲一个月；有啲半年，甚至喺日、韩都有，可能常任(相熟SP)得几个，但我唔想讲惊人数量，如果係玩家一定会明。”但他表明係玩旧式SP，唔识新一代的网上约炮。

William唔怕其他人点睇，“我哋只係have fun，唔会Care对方脚踏几多船，啱时间啱mood就约会，大家高兴、舒服就ok，干涉伴侣嘅私生活就玩坏规矩。为免有性病，双方都要保护自己，总之作为一个成熟嘅玩家，游戏原则唔能够强迫及讲大话，咁多嘢玩做乜要呃人？伤害到人就唔好啦，所以奉劝大家，就算出嚟玩，都要带眼识人。”

问到玩咗咁多年有冇试过濑嘢？他面带尴尬秒答：“梗係有！但详情就唔讲喇。”

男人天生爱多伴侣

William知道呢行有好多低调的同道中人，因为越来越多人玩SP，他有感而发：“唔係要推广呢方面嘅价值观，而係去理解呢个现象。”

他认为男人天生锺意多伴侣，随著男女平权和思想开放，都有好多女性渐走向呢方面，加上生活唔容易，结婚生仔会有压力，既然男女搵钱差唔多，自然想改变旧有共同组织家庭的生活模式，追求有自己的生活。William双亲也曾追问他何时才会定下来？他只笑说：“唔排除，再睇吓点！”