最佳女主持丨麦美恩对陈志云感抱歉　Mayanne亲揭与绯闻男友许文轩关係

最佳女主持丨麦美恩对陈志云感抱歉

Mayanne亲揭与绯闻男友许文轩关係

麦美恩为入行首个个人挂帅清谈节目《Mayanne小喇叭》接受雷霆881商业一台《星光背后》主持人梁泰来访问。加拿大出生，2011年返港参选港姐入行的麦美恩，首次披露当年选美后一度婉拒陈志云游说签约的原因。

之后，麦美恩成为TVB收费台娱乐新闻主播，及至13年凭伙拍森美主持《学是学非》上位，2017年夺万千星辉颁奖典礼飞跃进步女艺员奖后，今年初以大热姿态获颁最佳女主持，被喻为女金牌司仪。同时在节目中，还大谈唯一绯闻对象许文轩的真正关係。

向陈志云说不好意思

回忆当年不理父母反对隻身回港发展，Mayanne否认当年选美是为了入行，“选港姐纯粹因为好奇心，我嗰阵谂住一选完就返加拿大，因为我二哥要结婚！”

原来当年她夺得港姐第四名后，TVB即时计划开一横线节目让她主持，当时的总经理陈志云（Stephen）力邀她留港签约，但她为亲情无奈放弃这难得机会，称：“这是我第一次讲，当年我係好挣扎拒绝咗陈志云先生，好唔好意思，佢好有慧眼，响佢十楼office，佢不停咁说服我，但我不停咁拒绝佢。”Mayanne坦言，希望透过这次专访，向陈志云说声不好意思。

讚森美是个好“上把”

当年返加国参加完胞兄婚礼后，Mayanne本来已打定输数留加拿大发展，怎料不久再获TVB邀回港试镜，成功后更获安排一份有月薪人工的娱乐新闻主播工作，Mayanne坦言选美时已表明想做主持，从没想过当演员：“我自知之明好强，知自己唔靓，我真係一旧饭、一旧蕃薯咁样入TVB，但我性格优胜在nothing to lose！”

至于后来主动申请转至翡翠台加入《学是学非》，终凭“下把位”弹起的感受：“选完港姐之后已经冇港姐包袱，喺香港，唔係好多女仔可以做到下把，但对于我嚟讲又好容易，我睇好多外国节目女仔做“下把位”做得好好，我唔觉得係畀人耻笑，人哋笑我係因为开心！”

Mayanne指，森美是一个好好的“上把位”：“佢feel到我有嘢同玩得，feel到我识反口咬佢，但我玩得之馀係尊重嘅 ，私底下係humble。”

与许文轩没可能发展

因为形象开心搞笑，麦美恩被网友推举“Girlfriendable”（适合女朋友），但入行至今11年，她只跟主持拍档许文轩传过绯闻：“我哋两个太friend啦，我寻晚都有同佢呻咗成个钟，同埋佢又双子座、我又双鱼座，大家啲性格好浮动，同埋大家好无分彼此！虽然佢係我前辈，但我哋可以好似八婆咁倾计。”

她澄清根本没发展机会：“我哋係冇分男同女，总之我哋係乜嘢都倾，佢又会明白我，因为大家都係主持，接触嘅范围同遇到嘅困难好似，有啲咩我都会徵求佢意见。”

在节目上，Mayanne解释没与其他男艺员传过绯闻原因：“佢哋成日当我係男仔咁玩，我冇发电嘅能力，完咗节目我真係收工，冇额外空间！”