要数近年在香港成功的歌手，我深信JW王灏儿一定是其中一位。90后的她自初出道时已被认同其歌唱实力。到近年她更唱出多首共鸣情歌，成为网络大热，让她终于能在明年一尝红馆美梦。JW热爱唱歌程度要用非一般的热爱来形容。
王灝儿 - 《矛盾一生》
90后的JW王灏儿年纪轻轻已在不少歌唱比赛中得到优异成绩。自初出道首推其第一首作品《挂念好友》时已被肯定其唱功。其后更有不少人因合唱歌曲《男人信什么》而把JW的声线与当时的师姐卫兰Janice相提并论。
近年转签新公司（Sunny Idea）后，她的事业更上一层楼，唱出多首网络大热之作：《矛盾一生》、《小故事》、《多少年》及早前与坤哥（吴业坤）合唱的《原来只因深爱着》等，当中《矛盾一生》在Youtuber更有8位数点击次数。苦等七年，她终于有登上红馆的机会。
谈到作品《矛盾一生》，坦白说歌曲的威力不只在网上的点击次数，其故事所产生的共鸣感，更常常成为网络热话。有人认为《矛盾一生》成为JW事业转折点，也有人认为《矛盾一生》为JW带来红馆演唱会的机会，JW说:
唔只系一首歌咁简单，我入咗新公司之后，改变咗好多，因为整个团队都好用心帮我。不过我好多谢所有为《矛盾一生》而付出嘅人，包括作曲嘅林家谦、填词嘅陈咏谦、编曲嘅黄兆铭仲有编曲加监制嘅周锡汉。因为呢首歌令我得到好多，佢令人认识边个系JW，带俾我喺歌唱事业嘅信心。呢首歌可能对好多人嚟讲系一首情歌，但对我嚟讲系一首成就我梦想嘅作品。所以 It’s not one song，it’s everything！
我觉得做歌手从来都唔系付出100%就会有相等嘅回报。歌手除咗要有实力，亦需要靠运气，际遇。我觉得自己好好彩，入行7年遇过好多帮我嘅人，佢哋都好锡我，好支持我自己，所以我一直都好感激所有喺呢7年帮过我嘅人。
JW于2010年成为歌手，同年有C All Star，Supper Moment、林奕匡、吴若希、连诗雅等歌手出道。单以同年出道的女歌手来比较，JW的确比她们快得到红馆舞台的机会，但JW却认为一切是因为际遇及运气问题：
虽然我唔系年年都顺利，但相比起其他我认识嘅歌手朋友，我面对嘅挑战比佢哋少。有时我会谂，佢哋其实好有实力，好唱得，但佢哋未有机会或者际遇未如理想。呢一行好多嘢都唔系必然，既然我自己有咁好嘅际遇我一定要好好珍惜。
JW续说：
缘份好重要。其实所有同我同期出道嘅歌手都好有才华，我自己都好欣赏佢哋。我相信不久嘅将来大家都会有同样嘅成绩。只不过我好彩，所以我先有呢个机会。我到现时为止都系觉得，开红馆演唱会，根本就系上天跌落嚟嘅礼物，呢份礼物唔系只系送俾我，而系全公司上下。有呢个机会喺眼前我会好好珍惜，我好想可以用呢个机会做一场好好嘅演出。唔会谂赚唔赚钱，其实开一场真系唔会点赚到钱。今次我同公司一心为音乐而做，真系好想做到一个好靓嘅performance畀大家睇。
JW表示自己性格乐观，全因她是一个双子座性格的女生。
JW虽然唱过多首诚意之作，但她曾经也在事业上经历迷惘期：
啱啱转新公司嘅时间系我最迷惘嘅时间。我觉得自己做嘅嘢同Expect嘅嘢好唔同。我未转公司嘅时候因为仲系边读书边唱歌，成日飞返香港录音，当时真系觉得时间过得好充实。但到读完书之后全职做歌手，之后转新公司，因为未有歌嘅关系，job比较少。
而当时自己家姐系做律师，我同佢嘅收入完全比下去，所以我成日俾自己好大嘅压力。虽然曾经有过迷惘嘅时间，不过其实我每一年都算系开心嘅，因为身边总会有人支持我，我系一个好乐观嘅人，我唔钟意钻牛角尖，我系一个双子座性格嘅女仔。无论有咩困难我都会look to the bright side！
JW唱过多首代表作，究竟那一首才是她的最爱？JW笑言：
可能会有好多人会觉得我最钟意嘅歌一定系《矛盾一生》，Which is true！我自己都好钟意《矛盾一生》因为佢令到更多人再次认识JW。呢首歌带畀我好大好大嘅自信心。令到我由信心系负数变为正数。呢首歌对好多人嚟讲系一首情歌，但对我嚟讲系一首成就我梦想嘅作品。无呢首歌，我未必有机会上红馆。不过除咗呢首歌，我都好钟意好《多少年》、《Stupid BOII》仲有新歌《你带着我的青春离去》。
其实我一直都好想做一啲Hip Hop、Rap曲风嘅歌，而《Stupid BOII》呢首歌终于俾我等到。至于《你带着我的青春离去》系一首R&B嘅歌曲，其实我一直都好钟意R&B嘅歌曲，而且我又好欣赏Cousin Fung（作曲人）嘅作品，今次可以同佢合作我真系好开心。
JW在刚刚推出的大碟《My Tale》在网上反应热烈，但相比当中的快歌《Stupid Boii》成绩未如其他抒情歌曲。一直希望多做快歌的JW也为此感到头痛：
其实我自己一直都好钟意快歌，但唔知点解喺香港做快歌永远都唔系好work。做一首快歌嘅制作费真系好贵，又要请dancer，又要排舞，每一次表演又系要请dancer，仲未计拍快歌MV需要嘅制作又会特別多，呢啲全部都系钱。当你用咗咁多钱同心机去做一首快歌但系反应未如理想其实系几discouraging，公司自然都会觉得做快歌唔抵。不过我唔会放弃，嚟紧我会为演唱会造一首快歌嘅theme song，不过仲搵紧demo，希望到时大家会钟意。
摄影：谢浩然
撰文：史顺宜
推荐
Sogo崇光店庆开始：全场最低至4折！
广州 6 家会让人上瘾的独立咖啡厅
最新最全香港米芝莲推介：17 间新上榜平民餐厅！
如果深入交流，请加八叔私人微信hkhk27 ,
微博：@八卦香港
合作：
WhatsApp：9404 6815
QQ：2212341880
八叔
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
