(原标题:多啲“邻里日”)
从今个星期一开始,荔湾区逢源街邻里日活动喺泰兴社区拉开帷幕,一场场大食会喺12个社区陆续展开。锅碗瓢盆声,喧嚣声,每个社区都人声鼎沸,非常热闹。大食会系每年邻里日活动嘅“例牌”,逢源街街坊都积极参与。今年嘅大食会活动以美食品尝和厨艺竞技为主,举办形式包括美食评比、醒狮表演、包饺子、打边炉、做点心等。同往年唔同嘅系,今年让街坊自行组队参加,自己定菜式,做好再进行比拼和品尝。听落去系咪好似我哋细个嗰阵学校组织嘅野炊活动?
荔湾区逢源街系老城区,街坊之间本身就好熟,平时经常一齐倾葛、吃饭、娱乐,所以大家都好有兴致参加邻里日活动。查实我觉得好似天河区咁嘅新城区更加应该举办邻里日活动。新城区都系高楼大厦,邻里之间住咗几年仍然互不认识嘅情况好普遍。虽然黄埔等新城区以前都搞过邻里日活动,但多数人似乎只通过报纸、电视先至知道有咁样嘅活动,真正参与嘅人好少,真系有啲遗憾。
以前嘅广州,街坊之间都非常熟,一家有事,大家都好乐意来帮手。自从老楼换成高楼之后,钢筋水泥拉开咗大家嘅距离,邻里之间开始变得冷淡,咁样真系唔好。所以,利用大食会或者其他一啲互动游戏来增进邻里感情,我觉得好必要,以后再多啲举办就好了。 陈嫚 职员
(原标题:多啲“邻里日”)