上海
7月15日是陈健安的生日，亦是他首张彩胶唱片《Life afteR Life》面世的大日子，双喜临门。安仔兴奋说：「拣呢一日出嘅原因好简单，想每年生日都记得人生第一张彩胶系几时出。」他亦希望「族人」（安仔歌迷专称）能在16号的音乐会以及20号与歌迷庆生的聚会前收到唱片，到时便能为大家签名，非常贴心。彩胶除记录每首歌的「出世纸」外，亦印上安仔不同时期的照片，看到小时候与妈妈的合照时，更勾起二人最近去日本旅行的回忆，他兴奋细说着与妈妈共同经历很多的「第一次」。
《Life afteR Life》彩胶唱片共收录10首作品，与同名大碟收录13首歌有所不同。安仔解释说：「黑胶主要收录最原汁原味嗰10首，因为佢嘅容量有限，所以《厌恶物图鉴》合唱版同埋《仍然是那个少年》、《好好挂住》嘅另一版本，就要喺CD先至听到。」
彩胶封面是安仔靠在绑有拼布的椅子上，拼布上的每一个图案都代表着他的过去。安仔指着布上图案逐一解说：「《创作者的派对》同歌迷玩咗一个游戏，我画一笔，佢哋再不停画上去，我第一张专辑《本原》嘅封面都包咗喺张凳上面。呢张碟嘅概念系，『你嘅过去成就而家嘅你』，痕迹叠痕迹，我依靠住呢啲过去成就而家嘅我。」细心一看会发现这张封面照，甚至内页的照片都与同名大碟略有不同，他说：「CD封面会见到好多唔同Layer，一层一层咁。彩胶就系骚晒成个Setting出嚟，放大系会睇到凳上面嘅图案。放大版本嘅感觉好唔同，睇到好多Details。」
至于彩胶内页就跟同名大碟一样，记录了每首歌的「出世纸」、每位创作人当下的想法，安仔形容就如日记般写下每首歌的创作点滴。当中亦收录了一些金句，安仔更将其中的「The meaning of life is to find your gift. The purpose of life is to give it away.」纹在右手手臂内侧。他说：「我嘅礼物就系我嘅感受，然后用音乐嘅方法送出去。」安仔仔细翻看彩胶内页，看到小时候与父母的合照时更勾起不少童年回忆。他笑说：「阿妈抱住我，呢张相喺屯门市镇公园影。嗰时佢抱住我周围去，而家到我带佢去旅行。」
近年经常与妈妈去旅行的安仔表示：「细个阿妈带我去好多地方，好多嘅第一次都系佢带畀我，大咗觉得自己有能力就想做返呢个角色。」他刚刚与妈妈去完福冈旅行，并透露每次都会挑选双方都未到过的目的地，希望可以共同感受所有的「第一次」。他笑说：「今次发现佢系第一次玩鞦韆，仲有即兴一齐玩摩天轮。嗰日去完一个岛，睇睇时间仲有半个钟就日落，望一望对面有个摩天轮，就问阿妈玩唔玩，佢话『唔玩啦』，因为之前去旅行试过话70岁以上唔畀玩，可能日本冇限制，就即兴同佢玩摩天轮，撞啱时间一边睇日落一边玩摩天轮，好多第一次好开心。」人生第一张彩胶唱片，安仔当然有预留给妈妈，还表示会为对方签名，非常孝顺。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
