香港
陈安立林希灵行婚礼 扬言努力造人恨生孖胎
艺人陈安立与林希灵年初宣布婚讯，今早（24日）假深湾在一众亲友及牧师见证下，正式拉埋天窗，礼成后筵开20围与大家分享喜悦。
一对新人邀得许家杰、罗天宇、周志文及周志康等担任戥穿石，邝洁楹则出任姊妹团，一众圈中好友包括陈庭欣、洪永城、刘佩玥及“肥仔”梁业等纷现身送祝福，场面相当感人。
一对新人全程表现轻松，更应记者要求“巴黎铁塔反转再反转”咀嘴。谈到造人问题，他们更打趣说：“今晚冇After Party，要努力嘞，七师傅（七仙羽）话床位要向北，跟住攞我哋朋友嗰支话可以决定生女或生仔嘅润滑剂出嚟。（好急？）顺其自然啦，其实都想过少少二人世界，但如果‘有礼物’都开心嘅。”
陈安立更坦言想生孖胎，当问到想生几多个时，林希灵说：“我哥哥生咗3个，佢完成咗历史性任务，我就想生女，不过啲契爷全部都咁靓仔，我惊佢大个咗嫁唔出！”
她又指老公下月将要拍剧，预算5月才拍：“所以我都约咗啲好姐妹，去展开我独自嘅Honey Moon，同埋我发现啲戥穿石好多都仲系单身，所以婚宴安排咗吐女仔包围住佢哋，认真为佢哋嘅姻缘着想，昨晚我排座位表排到好夜㗎。”
谈到婚礼上未有落泪，他们笑言：“都有开心嘅眼泪嘅，好难得咁多朋友聚埋一齐，觉得比较似Christmas Party。”陈安立更打趣说：“啲宾客好早身，十点半准时现身观礼，头先聚集咗百几人，我自己做礼婚MC都未见过咁墟冚。”
林希露则自爆戴戒指及斟茶环节都有甩漏：“冇办法，我哋输经验，哈哈！（行礼时牧师讲咗45分钟？）最记得系佢话老公要听老婆话，要为太太感到高兴。”陈安立接口放闪：“平日我见到妳开心，我都会开心。今日难得3个电视台朋友都嚟咗，婚宴上交由练美娟主持个啤酒竞饮大赛，等大家高兴。”
周志文合照怕丑硬晒軚 刘佩玥公开关系：我哋系…
艺人刘佩玥（Moon）与周志文的恋情传足多时，二人却没有正式承认。今早（24日）周志文为好兄弟陈安立婚礼担任戥穿石，“家属”Moon亦有现身婚宴，被记者逮过正着，二人终大方合照及孖住受访，但志文全程表示怕丑兼“硬晒軚”，相当搞笑。
Moon自爆：“陈安立系我中学师兄，识咗好耐，冇谂过入行识埋佢嘅另一半，真系好开心。（今日嚟取经？）戥人开心啫。今日做咗人情，礼物后补。（今日冇After Party，你哋两个阵间有咩平安夜节目？）我要为即将开拍新剧去改造型，今晚会约屋企人食饭。”志文则接口：“睇吓等阵班兄弟有咩活动啰。（唔约Moon？）佢做嘢嘛。”
记者追问何时才公开关系，Moon笑言：“咪公开咗我哋系好朋友啰。（志文好紧张喎。）佢今朝好早起身啫，做兄弟唔通好似我依家先嚟咩？”她笑言：“我哋一路都几好，好朋友嘛！”
当谈到“进一步”时，志文说：“我谂每一日都进步。（女仔咁大方，几时畀名分佢？）要咩名分？好突然。年纪大咗随缘，唔需要谂咁多，交畀个天安排，我自己希望开心嘢可以快啲嚟。（买咗圣诞礼物交换未？）平日大家都会买礼物，喺派对上整蛊人，令对方又惊又喜。”
记者提议“买戒指”，Moon即举起双手大叫：“唔使嘞，好多呀。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
