艺人郑嘉颖于TVB台庆剧《星空下的仁医》内与拍档钟嘉欣擦出火花，昨晚（15日）一集更交代嘉欣因诊症时感染病毒，致BB胎死腹中，深爱她的嘉颖不想嘉欣自责一生，决定偷改医疗报告隐瞒兼承担一切，期间二人先后失控痛哭，场面感人成网民热话。
被赞演技出色的嘉颖，对于剧集受欢迎连声多谢观众支持：“个假BB整得好迫真，直头真到可以拍close up，道具组好犀利。（花咗5位数字喎！）依家物有所值啦。”
谈到这场催泪戏，他说：“其实事前我同咗导演讲，小弟1、2take OK，去到第3 take就真系‘做’喇，我第一take嘅眼泪同感觉最真，会要求近镜去拍。”
提到与嘉欣产生的化学作用，嘉颖表示：“大家都拍咗咁多年剧，佢都同我讲至少演咗几十部喇，我仲多个佢，对新人嚟讲大家都系前辈，我庆幸遇上有经验嘅对手。”
而昨晚剧情将戏味推高，似乎令他再夺视帝的机会再提高，嘉颖却表示：“呢个我唔谂啦，比较希望畀啲未攞过嘅拎，可能会改变佢哋一生，好似Shaun（谭俊彦）演得好好，仲有《拳王》嘅张振朗，净系睇佢操肌咁辛苦都值攞奖。大家锺意套剧，同埋我嘅演出已经好开心，多谢大家支持。”
另外，今日活动上嘉颖走进小演员堆即刻大受欢迎，小朋友表现相当兴奋。问到是否多了很多小朋友粉丝？他笑言：“我反而觉得依家多咗家长粉丝，大家好似真系觉得我医病咁，如果有病记得去睇医生，唔系搵我，哈哈！（TVB乘机再打你主意？）监制讲过好似有人同佢提议开续集，你哋问佢啦，如果开到都要到时先算，睇吓几时通关再做决定。”
对于《星空下的仁医》在香港受欢迎，内地“豆瓣”评分更高达9分的好成绩，郑超颖在接受访问时就开心表示：“好多谢观众欣赏，团体嘅努力。”
还扬言因拍该剧令他对TVB眼前一亮：“我觉得TVB拍剧係同以前好大分别。无论道具、灯光好、摄影好，令我眼前一亮。（冇咁赶或跳拍？）係质量问题，每样嘢都好讲究。”
郑嘉颖同时亦表示接拍剧集主因是同演员有关：“马国明係一个原因，马国明十几年前合作过，钟嘉欣未合作过，周家怡未合作过，俾我好多新鲜感。”还表示被剧本同角色吸引。
剧集大受好评有望在台庆夺得奖项，对于有望再衝击视帝一奖，郑嘉颖就看得好淡：“我觉得今年有好多新演员上紧嚟，张振朗等，我希望俾啲未攞过嘅攞，佢哋攞更有意义。”
他再三强调会投给一些未攞过视帝的人，还公开笑言叫黎耀祥不要再拿，事关对方已经拿过三次，非常好笑。
问道日前太太陈凯琳（Grace）拍片教整甜品，疑意外爆光了千呎豪宅。
当中被发现鞋架旁边摆放了2隻Be@rbrick巨型模型，现时二手网市场已经炒到过$30,000，对于豪宅事件，郑嘉颖就表示：“你哋唔好以为一定係我哋屋企先得架。拍就係我哋屋企咩，傻猪嚟架。”又扬言在玩具方面，两个儿子都好锺意玩车，消防车，巴士、校巴各款各式都有。
另外，郑嘉颖曾讲过不想儿子入行，望他们将来可以做专业人士对社会有贡献。问道什麽类型专业人士，郑嘉颖就扬言医生是其中一个，但就对律师较为反感。
他说：“律师就唔好喇！我觉得律师永远都係度同人嗌交同利益关係。我唔想个仔咁现实。做律师嗌嚟嗌去，鸡毛蒜皮嗌到尽，除非是法援个啲就另计。”看来郑嘉颖已经为儿子想了许多，果真做人父母不容易。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
