74岁的刘江和快满72岁的于洋近日接受香港电台《一起走过》访问，两位前辈跟主持人杨绍鸿和江美仪老友鬼鬼，在节目分享当年拍剧的回忆，杨绍鸿大爆于洋非常有个性，拍摄TVB剧集《鬼咁够运》时，因与无綫合约完结，他即时决定不续约离开，最后五日的戏份都未完成就走，连江美仪都大讚「有型」。
于洋表示：「够钟咪走囉，两个礼拜前讲咗啦，你唔同我倾就走，（当时点解要走？）公司太硬淨，我年少意气用事，后来都有完成，不过5日戏就3日内拍完，5000蚊一日，临走仲凿返笔先走。」而于洋被踢爆原来他曾被邀请演出电影《叔叔》中的主角之一，跟太保饰演一对，后来杨绍鸿认为接戏最重要是接受，若不接受这回事的话，很难演得好，最终角色由袁富华顶上，更获得多个奖项肯定。
刘江刚刚离开TVB，他表示自己不会退休，他扬言：「我走嗰阵都同大家讲江湖再见，（TVB叫你拍你拍唔拍？)拍，倾好咪拍囉，加入TVB 30多年来从来没有推戏过，但唔会签长约，我亦会有啲要求，大佬我74岁唔係47呀！」他直言自己年纪不轻，不会让自己太过辛苦，刘江忆起老友陈鸿烈拍剧期间心脏病发猝死一事，难掩感慨之馀，亦直指于洋是十分幸运走过死门关。
2008年，于洋拍摄《少年四大名捕》演皇帝，而刘江演宰相蔡京，两人在饭堂碰面，当时于洋大呻辛苦，刘江笑言：「佢好多戏，拍完收工夜晚11点几，对白唔掂，又多对白，你噏来噏去成口泡咁，之后佢返屋企就觉得心口痛，搵个跌打师傅捽两捽就算。」于洋表示事隔几日再约朋友去饮茶，没想到结帐心口不舒服，难以呼吸，于是即时送院兼立即接受「通波仔」手术保命。
而同一时期，刘江跟陈鸿烈拍摄《毕打自己人》，经常听闻对方拍摄辛苦的怨言，他说：「我同佢一齐开工，我换好衫，佢同黎耀祥拗套衫使唔使连戏，咁我就话你两仔爷拗掂佢先，我入会议室坐坐先，后来工作人员走埋嚟同我讲，话烈哥呢轮辛苦，佢想饮啖水唞唞先再入厂，我当然明白体谅，因为拍紧两套戏又台庆，佢都真係好紧张。后来，工作人员再入嚟就已经话佢唔得喇！」
刘江忆起当时《毕打自己人》时，烈哥不时会问为何这一集没有自己份，他起初都难明烈哥的进取，他说：「烈哥话同我唔同，自己化骨龙仲係好细，咁家家有本难念的经，我几集出一出，佢差不多集集都有份。台庆当晚佢又要现场唱歌跳舞，佢喺我前面，大家倾偈，烈哥话好辛苦，綵排完仲要出外景，我当时心谂，冇又话冇戏，有又嫌辛苦，不过我当然冇当面讲。我而家有时谂返起件事个心都好唔舒服，怪自己点解唔同佢讲吓叫佢唞吓呢？」
刘江回忆起这些画面，都难免心痛，但奈何不知道他有不适，他说：「人人问离开TVB最怀念係咩，我都答係佢，我同佢拍《毕打自己人》同《同事三分亲》，有佢喺度啲戏真係好好睇，我哋两个之间嘅化学作用好睇，之前重播我特别自己再睇，真係冇得顶，就算而家再做，对手唔係佢，我自己都做唔返。」
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
