广东
在80年代加入影圈的曹查理，當年在周星馳電影《整蠱專家》客串藥房賣春藥的「單眼佬」令人印象深刻，曾演出逾80部三級片的他更被封為「三級片天王」。近年曹查理淡出影圈，並轉戰內地登台賺錢，但去年突然自爆曾經歷半邊身麻痹險死，令他決定正式退休。近日曹查理難得返港，接受資深傳媒人汪曼玲YouTube《快拍.曼鏡頭》訪問，大談昔日拍攝三級片的點滴及分享近況等等，更自爆曾一夜之間輸了過千萬，令他大受打擊！
曹查理說在《警察故事》演反派是他的畢生代表作。 （電影截圖）
曹查理在周星馳電影《整蠱專家》客串藥房賣春藥的「單眼佬」。（影片截圖）
去年曹查理宣布正式退休。（影片截圖）
曹查理奉勸年青人不要「發明星夢」
近年曹查理定居四川南充，積極經營抖音，但自覺普通話一般、又不會四川話，加上市道差，所以他決定放棄，並已搬離四川，更奉勸年青人不要「發明星夢」：「做明星係唔得㗎，冇後繼，後繼意思係有前就冇後，你今日好運，唔係代表你永遠好運，你只不過係啱啱俾你撞到啫。紅嘅時候好厲害，但係睇嚟睇去都係嗰幾個，唔紅嘅時候係一大拃，呢拃個個都好慘，可能連開飯都冇錢。」
曹查理已經搬離四川。（YouTube@汪曼玲《快拍.曼鏡頭》）
奉勸年青人不要「發明星夢」。（YouTube@汪曼玲《快拍.曼鏡頭》）
不代表永遠好運。（YouTube@汪曼玲《快拍.曼鏡頭》）
曹查理做直播一晚收十幾萬打賞
曹查理坦言早幾年已勸圈中人抓緊登台的機會：「有你就搏命接，賺多啲錢。」因近年市道差，不但酒吧式微，連拍微電影都不會找香港演員，他直言網紅不易做：「我都係網紅，我係非常之紅嘅香港一個網紅，我搵到錢，我一晚收十幾萬，打賞十幾萬。」不過扣除提成、工作人員薪金、稅務等各項開支之後，到手就只剩下8000元。曹查理指在內地做自媒體多掣肘，包括酒、錢、鬼等字眼都不能提及，只能用「8+1」、「money」、「阿飄」等代替。
曹查理做直播曾一晚收十幾萬打賞。（YouTube@汪曼玲《快拍.曼鏡頭》）
但到手只剩下8000元。（YouTube@汪曼玲《快拍.曼鏡頭》）
曹查理指在內地做自媒體多掣肘，包括酒、錢、鬼等字眼都不能提及。（YouTube@汪曼玲《快拍.曼鏡頭》）
曹查理巔峰期日賺9萬
曹查理憶述當年拍完《警察故事》走紅後，即轉型拍「愛情動作片」：「因為冇人夠膽拍，我夠膽拍，咁變咗我紅喇。嗰啲片係成部戲裡邊片名未有，乜嘢都未有，主角曹查理寫咗出嚟，拎我個名就已經拎去台灣可以賣錢。」他坦言正式計算應拍過逾300部「愛情動作片」，曾連續開9部戲，更有傳酬勞高過劉德華：「又唔係咁講，劉德華有瞓覺㗎嘛，我係24小時唔瞓覺㗎嘛。因為我知道機會難得嘛，咁我係一日有24小時，我每一日8個小時畀你一組，每一組就3萬蚊，港幣3萬蚊，咁一日呢就可以收9萬蚊，咁樣拍。我唔係唔瞓覺，我係去到現場化好晒妝，我坐喺張櫈度就可以瞇埋眼，擘大眼就埋得位，你冇辦法㗎喇，去到嗰個地步，你只可以搏命，因為你搏命去接呀嘛。」
曹查理憶述當年拍完《警察故事》走紅後，即轉型拍「愛情動作片」。（YouTube@汪曼玲《快拍.曼鏡頭》）
他坦言正式計算應拍過逾300部「愛情動作片」。（YouTube@汪曼玲《快拍.曼鏡頭》）
8小時為一組。（YouTube@汪曼玲《快拍.曼鏡頭》）
每組收3萬。（YouTube@汪曼玲《快拍.曼鏡頭》）
日賺9萬。（YouTube@汪曼玲《快拍.曼鏡頭》）
曹查理炒窩輪一夜輸過千萬
曹查理搏命拍戲賺到盆滿缽滿，但卻一夜之間化為烏有：「我一學人炒窩輪咪輸晒囉，一夜之間唔見咗千幾萬喎，我辛辛苦苦搵埋搵埋，一夜之間唔見咗千幾萬，成個人傻咗，即刻匿埋，即刻搬走，手機又唔聽，乜都唔理，自己匿埋，冇辦法接受，一夜之間唔見咗咁辛苦搵嚟咁多錢，差唔多而家嘅三千萬。我好老實咁講，我唔係普通人，我真係搵好多錢。我仲有樣嘢我係好清楚，羅湖福田嗰陣時，嗰張地圖我睇過晒，地鐵站喺邊度，嗰個總站喺邊度起，隔籬啲樓幾錢，係一萬蚊一層，人民幣一萬蚊一層，我每日可以買九層，十日九十層喎。拍咗三年幾四年喎，你話嗰啲，幾多棟大廈係我㗎？我損失咗呢個機會，呢個又係一個機會我損失咗。我唔會怪人，係有啲貪。」當年曹查理輸錢後曾匿埋8、9個月，連家人都找不到他，直至後來他在朋友介紹下，轉做火鍋店經理，生意極旺，帶挈他每個月賺到幾萬元佣金，但最後店舖出事，未能繼續經營。
炒窩輪一夜輸過千萬。（YouTube@汪曼玲《快拍.曼鏡頭》）
炒窩輪一夜輸過千萬。（YouTube@汪曼玲《快拍.曼鏡頭》）
約等於現時三千幾萬。（YouTube@汪曼玲《快拍.曼鏡頭》）
曹查理坦言當年賺好多錢。（YouTube@汪曼玲《快拍.曼鏡頭》）
後悔無買樓。（YouTube@汪曼玲《快拍.曼鏡頭》）
後悔無買樓。（YouTube@汪曼玲《快拍.曼鏡頭》）
轉做火鍋店經理，生意極旺，帶挈他每個月賺到幾萬元佣金。（YouTube@汪曼玲《快拍.曼鏡頭》）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
