蔡洁&陈滢合体开show，准备靠张凳撑场？

近几年好多演员都跨界

举办自己嘅音乐会

俾到好多惊喜大家

新年大家都想有新突破

蔡洁&陈滢最近都宣布

将合体举行演出

引发咗网友嘅关注

要知道蔡洁同陈滢

一直都以“演员”身份营业

有好多观众熟悉嘅角色标签

佢哋之前合作《执法者们》

两人都係“执法者”

各有各嘅英姿飒爽

佢哋喺线下活动一起做宣传

可乐君同佢哋一起玩游戏

发觉佢哋默契仲几好添

其实蔡洁&陈滢

曾经合作好多影视作品

不过真正嘅对手戏唔多

两人喺剧中甚至冇咩交集

《飞虎之壮志英雄》剧照

一直都想有啲深度合作嘅两人

今次一拍即合

决定要举行“闺蜜局“

一起撑起一个舞台

▓▓▓▓▓▓▓▓▓▓▓░░░░努力加载中……

对音乐会0经验嘅陈滢

对自己嘅舞蹈比较有信心

最近佢喺新剧《卧底娇娃》里面

以“黄金32C”好身材跑出

因为做卧底需要

受过一连串女团特训

相信佢喺呢场show中

做“舞担”应该冇问题

之前喺直播节目中

陈滢被cue

唱《容易受伤的女人》

虽然唱得唔差

但佢自己就娇羞到

好似“受伤的女人”咁

恨不得成个人匿埋喺支麦后面

而讲到跳舞

蔡洁就好谦虚咁话

舞蹈一定唔係佢负责

虽然佢係选美冠军

但一直觉得自己手脚唔协调

曾经出过歌嘅佢

对歌唱有啲经验

so~佢拍心口话

自己应该可以孭飞

呢场演出唱歌嘅部分

鉴于两人都唔係专业歌手出身

据说呢场演出

仲会有唔同类型嘅环节

丰富成场演出

一起玩下游戏

再一起倾下密计

好似闺蜜睡前趴喺枕头上

放肆咁释放自己

听落啲玩法都几吸引人嘅

而大家最关心嘅嘉宾部分

佢哋亦俾足晒暗示

话可能会係一张“凳”哦

呢张“凳”同佢哋两个都合作过

高大威猛、可能有腹肌

属于“前辈”级嘅人马

有关注过佢哋之前嘅采访嘅

观众应该估到啦~

边个曾经话

自己可以做“一张凳”？

话说呢张“凳”演技已经称“帝”

平日仲识煲汤冧人

虽然已经无数次称

自己要退出乐坛

但佢嘅经典代表舞台

已经永远流传

一讲起大家就忍唔住……

画公仔已经画出肠

睇怕大家都知道张“凳”係边个

会唔会因此更期待呢场show咧

靓show开售

潮物推荐

资料来源：微博、小红书、剧照等

网络平台信息综合整理

编辑：郭 玮

一审：曾敏妍

二审：董华海

三审：骆 苹

【小程序】票巴网

【微信服务号】中国邮政微邮局

都可以买到《可乐生活》▼▼▼