广东
分享至
郭富城愛妻方媛不時在社交平台分個人靚相之外，不忘分享女兒Charlotte自學跳舞的影片，展現出小女孩充滿活力的舞姿，引發網友熱議。影片中，5歲的Charlotte穿著可愛兔仔衛衣，隨著音樂自創舞步，動作流暢似足爸爸郭富城舞王風範。
郭富城出席活動。（葉志明攝）
方媛為女兒跳舞老師在家中排舞
郭富城今日（16/1）現身跑馬地出席活動時，接受《香港01》訪問時大讚女兒養有跳舞天份：「佢好鍾意跳舞，媽咪喺買咗兩塊鏡擺喺屋企，仲搵埋老師返屋企同佢排舞，佢好鍾意BABYMONSTER，同埋佢哋跳得唔好，我係會柴枱㗎。（佢會唔會唔開心？）呢啲係動力嚟，佢係會接受。」
郭富城大讚女兒跳舞有天份。（葉志明攝）
郭富城未想女兒做演藝工作
被問到有否連同兩名女兒受太太一齊跳舞？郭富城表示：「我只係欣賞佢哋跳，同埋俾意見。（叫埋阿女拍MV？）暫時我亦都唔想佢哋做一啲演藝嘅工作，雖然好多人都想，但我就俾啲空間佢，將來先啦，我覺得讀於讀書嘅時候，就應該讀書。（會否為細女擺百日宴？）要搞嘅，因為都係開心事嚟，但我就會低調啲，都係同屋企人食吓飯。」
郭富城未想女兒做演藝工作。（葉志明攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
