广东
《新闻女王2》昨晚在TVB翡翠台正式收官了！感谢大家一直以来的陪伴！一众演员也在社交网发文告别《新闻女王2》
谭俊彦：陈子杰，又一段旅程完咗啦！
如果同第一季比，其实阿杰最打动我嘅，係佢嗰份「唔变」——无论新闻圈点样变、职场斗到点样火热，佢对文慧心嘅支持同守护，从来冇动摇过。以前一齐追新闻真相嗰阵好热血；后来虽然好少喺工作上并肩，但做佢嘅知心人，一样好有意义。如果真要讲变化，就係我哋两个愈来愈有默契啦，戏裡戏外都係，今季大家睇得出，我哋要一齐面对嘅挑战多咗好多。
作为陈子杰，有啲话好想同文慧心讲：
阿心，见到有人话「人人都睇你飞得高唔高，只有佢睇你飞得累唔累」嚟形容我哋，觉得好似真係咁。在工作上，你係无敌嘅「新闻女王」Man姐，几大风浪都打唔倒你。但我最想同你讲嘅，仍然係嗰句：「咩都自己一个扛，真係会好累。」所以我私心好希望有更多人见到「你都会累」，畀多啲工作以外嘅关心同情绪价值你。
以前我哋都好有默契咁避开嗰单「贼王案」嘅真相，嗰件事好似改写咗我哋嘅事业同理想，变成大家心入面过唔到嘅一条刺。到而家，我哋终于可以轻鬆鬆鬆坐低一齐食饭，谈返以前嘅事，陈子杰都真係行出咗自己嘅阴霾！所以好多时候，面对旧伤口，其实唔使惊，唔使逃避自己嘅心。我哋都係坚强嘅人，但同时都係有柔软嘅一面，希望我哋两个都可以学识多啲接纳自己。
将来，你仲係可以继续做隻自由嘅风筝，飞得更高更远，放心啦，有我会帮你拉住条线。
最后多谢大家锺意文慧心，锺意陈子杰。你哋每一个支持都好珍贵，希望# 都可以畀到你哋感受到「陪伴」嘅力量！
往日精彩推文：
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
