广东
陈山聪、阮浩棕以及“日本达人”陈方藤与《人生美食地图 - 东京篇》一众工作人员聚餐。（陈顺祯摄）
由陈山聪、阮浩棕以及“日本达人”陈方藤主持的《人生美食地图 - 东京篇》昨晚（10日）在铜锣湾宴请团队食饭兼睇节目，陈山聪与陈方藤接受访问时，表示今次平有平食、贵有贵食，但每晚早收工都会请工作人员食饭。“又唔会贴好多钱，而家yen抵咗，一定平过今晚呢餐。”问到节目中的餐厅名单是否已私藏多年，陈方藤表示当中有很多小店，平时甚少受访。“大部分都拎晒出嚟，嫁女一样，有集要开车4小时去静冈食蟹，我系带过屋企人同朋友去，应该唔会有游客去。”
陈山聪表示一开始都有少少质疑，但用餐过后即大赞，途中更赚了富士山靓景。至于会否想“添食”，陈山聪表示在东京拍摄时，已想到有关西篇，并深信有吸引力法则。“因为Meter好熟关西，咁可以自驾游，开到边食到边，曾志伟一点头我哋就去。（越快越好？）又唔使，因为啱啱出街，同埋话7月先去，啲人成日话地震，所以冬天去最好。”
陈山聪透露仔仔已有新“饮歌”。（IG图片）
提到早前带同仔仔Jaco撑林峰场，陈山聪表示完骚后，Jaco日日都《爱在记忆中找你》。“我头先落机打畀佢都仲唱紧。（有无玩櫈？）相信佢好快玩，佢而家日日烦我，啱啱我喺美国登台都有唱《爱在记忆中找你》，有拍片畀佢睇，佢仲有《爱不疚》，相信我下个音乐会，佢会唱。（两父子一齐玩櫈？）咁又唔得，无佢咁好腰力。”
陈方藤(Meter)高峰时期在港拥有7间食店，每年营业额过千万元，不过如今在铜锣湾开拉面店的他表示“挨”到内出血。（陈顺祯摄（
另外，提到近日有连锁食肆相继结业，本身经营拉面店的陈方藤表示已经无得可担心。“唔好话北上啦，日本都系竞争对手，比较完个价钱，返嚟香港咪食少啲啰，所以都要谂计，香港人都灵活，一定有怪招可以搞到。（你有咩怪招？）谂到而家都讲咗畀你听。（算唔算挨紧？）挨，挨好多年，唔系呢刻，挨到内出血。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
