友乜唔讲得｜薛家燕饮水思源留TVB 亲揭决不再婚原因

友乜唔讲得｜薛家燕饮水思源留TVB 亲揭决不再婚原因

由阮兆祥（祥仔）、梅小惠、江欣燕（欣欣）主持的《友乜唔讲得》，今晚（23日）播出一集的嘉宾是薛家燕！

本集主题是处境剧，家燕姐出场前，小惠、欣欣及祥仔大谈当年拍处境剧难忘事，欣欣大胆地无綫高层曾励珍上身，摙住把声兼霸气地还原当年珍姐，对其演出《同事三分亲》的评价：“入到珍姐房佢问我：‘你有冇睇Forum呀？’我问：‘咩嚟架？’（珍姐：）‘电脑呀，嗰啲人好憎你喎’（欣欣：）‘咁点呀？’（珍姐：）‘但因为你呢个反派做得好，以后会加重你啲戏。’”足证珍姐关心艺人的同时，亦乐于主动给予发挥机会。

祥仔亦指当年《皆大欢喜》，虽然是因为他向珍姐提议，才有之后的时装版，但当时全靠珍姐一早想好贯穿古装及时装版本绝世好桥，才能时装版比古装版拍得更多集数！小惠续指当年《皆大欢喜》受欢迎程度，是每星期都会有观众竞猜主角们下星期造型是什麽颜色，小惠说：“嗰时啲衫嘅颜色，係永远都唔会撞㗎。”

本集嘉宾家燕姐，正是《皆大欢喜》的灵魂人物，家燕姐坦言当年复出拍剧前，因为婚姻出现问题，曾四出搲捞，涉猎行业包括地产、保险及妇女资讯节目主持，可惜没有一次成功，皆因大家都不相信家燕姐要找工作，家燕姐说：“我试过想做地产，一入到去啲人以为我嚟买楼，成堆人涌嚟介绍楼畀我。又试过想做保险，啲人唔信呀，但你请佢出嚟要饮茶食饭㗎嘛，变咗愈使愈多钱，但都签唔到一张单。”

当年复出拍《真情》并饰演“好姨”，家燕姐指是获珍姐邀请加入剧组，并直指好姨是其人生转捩点：“佢出场时係奸角嚟，但估唔到啲人锺意。我拍咗2个星期，个call机就未停过，剪綵、登台、拍电影（係咁嚟），《食神》都係嗰时搵我，啲广告多到不得了。”

家燕姐还搞笑还原当年call机震个不停的“盛况”，画面爆笑。家燕姐又大爆当初签好姨只签了30集，友台曾向家燕姐招手拍处境剧，并开出当时家燕姐觉得是相当高的价钱：“人工争好远，比无綫多好多。（有没有3倍？）佢係50集畀一大嚿钱我。”

家燕姐续指珍姐收到风后，在家燕姐入厂前，约了她入房倾偈，一倾便倾了3小时，令家燕姐决心留在无綫，事件亦突显家燕姐饮水思源，家燕姐说：“冇好姨呢个角色，我又点会有今日，所以‘好啦咁我签’。我后来落到厂，啲对白冚唪唥唔记得晒。”

除了《真情》及《皆大欢喜》，童星出身的家燕姐，当年与冯素波、沉芝华、陈宝珠、萧芳芳、王爱明及冯宝宝结成“七公主”，家燕姐分享7人共通之处，还揭出“七公主”的名字由来是因为跟风：“1964年嗰时好兴结拜，当年有‘八牡丹’、有‘九大姐’，就係冇‘七xx喎’，所以就叫‘七公主’。”又笑指自己在“七公主”中的绰号是“鬼揸五”。

3位主持问家燕姐会否再婚，家燕姐斩钉截铁答完“唔会”后，她解释原因期间，竟突然爆出一句“我费事人哋畀人情！”令小惠忍不住感叹：“我真係畀家燕姐笑死。”