广东
近年香港电影市道低迷，2025蛇年贺岁档电影票房亦大幅下跌，总票房比去年跌37.1%，令人慨叹电影业寒冬。早前就有电影评论版主狂踩香港电影，表明只睇三套电影的0.7套，最后都要睇到中途离场：“真系差同尴尬到睇唔晒，新年流流都要人发火，唔尊重观众，观众最后都系会离弃你贺岁片。”惹来今贺岁电影《祥赌必赢》主角张继聪罕见发火留言：“今次系我最后一次睇你嘅page。”之后更拍片讲出自己的睇法，认为看电影是一件好主观的事，各有品味，而作为影评人应该撇除个人喜好去评论。”对于张继聪的行为，网民反应两极，有人觉得他带头杯葛该专页非常小器，但亦有网民认为版主只睇咗0.7套又点可以得出呢个结论？
张继聪觉得双方出发点都是为香港电影好。（梁碧玲摄）
事后电影评论版主亦在社交专业发文道歉：“失言系自己问题，真系地图炮咗其他我未睇嘅电影，但电影好唔好就系另一回事，赞闹都系睇返作品嘅质素入场！”
今晚（14/2）张继聪现身尖沙咀出席无人机表演活动时，就事件接受《香港01》访问时表示：“其实件事都已经过咗去，之前都已经交代咗，当初嘅起因大家都讲明咗，去到中间好似产生咗好多讨论，会好多人生嘅攻击，无论对我又或者对佢，我喺度都要同版主讲声唔好意思，虽然我就受惯，但我都唔想佢受到呢啲伤害，始终呢啲网上嘅骂战都系唔好受，但讲到底大家都系钟意电影。同埋自己都要学识吓经一事长一智，以后都要学识吓点样去表达，但不过咁，我唔会因为咁而唔出声。咁多年来自己嘅嘢都唔会点出声，而今次可能自己情绪比较深啲，变咗以后应该学吓用第二种方式去表达，可能会比较好啲。”
张继聪今晚出席无人机表演活动。（梁碧玲摄）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
