钟嘉欣佛山个唱座无虚席 获父母撑场 爆孻女声靓 后继有人

钟嘉欣佛山个唱座无虚席 获父母撑场 爆孻女声靓 后继有人

一连三场“Remember记得・锺嘉欣演唱会”佛山站，昨晚假岭南明珠体育馆圆满落幕，锺嘉欣（Linda）继早前在广州开骚后，相隔3个月再举行个唱，3场均座无虚席，Linda更获父母及女儿Anika由温哥华到佛山捧场，难怪Linda指佛山站演唱会，对她来说别具意义。

佛山站跟之前广州站一样，Linda以《一颗不变的心》为演唱会揭开序幕，不过个唱流程、舞台设计、服装及灯光效果却截然不同。

她说：“有咗上次经验，今次心态有啲唔同，亦变得轻鬆咗，今次重点反而係点样令演唱会进步，睇番之前嘅片段、观众嘅反应，从而去调节，希望每场演出都畀到观众新鲜感，令观众觉得值得嚟睇，亦因为每场变化，令自己有一份刺激感。”

Linda指佛山站演出除保留“扔花球”，还加插“民选”歌曲环节，Linda表示：“扔花球环节，我同样会亲手写上特别Message放喺花球，但今次我最难忘係民选歌曲环节，事先畀网民拣选喜欢歌曲，然后我再去唱；

仲有一个环节，係观众一齐唱《月亮代表我的心》，令我好感动，因为我家住得比较远，但仍然可以心连心，保持呢种关係好难得，当望见月亮时，不论身在何地，仍然好似连繫住，而呢首歌亦係剧集《护花危情》一首好重要嘅歌，好代表到我嘅爱。”

犹记得广州站个唱，一班好姊妹及好友到场，令Linda大感惊讶，而今次佛山站亦有“重量级”观众撑场。

Linda说：“係我好重要嘅人嚟睇我演唱会，佢哋係我阿爸阿妈同埋细女，我入行咁耐，阿爸阿妈好少机会睇我演出，阿爸直头未睇过，好开心佢哋可以睇到，亲身见证个女努力嘅表现。因为我大女同个仔要返学，所以淨係细女嚟，佢都係第一次睇我演出，佢嘅反应好兴奋，虽然戴住耳塞，但都睇到又跳又唱。”

Linda续说献唱《做你的晨曦》时，被观众席上的妈妈感动到喊，她表示：“呢首歌係讲我对女儿嘅爱，因为今次妈妈在场，唱呢首歌时忆起好多妈妈凑我回忆，令我忍唔住喊，冇谂过自己会喊，好感动，每次望到观众席上嘅爸爸妈妈同个女，我都要避开视线。”

提到Anika，Linda表示3名子女当中，她觉得Anika最有机会继承其表演的“衣鉢”：“佢虽然只有2岁，但性格外向，把声好大声又清脆，唱歌应该几好听，而且佢一听到音乐及拍子声就会跳舞，好有节拍感。”

个唱后，Linda透露一家五口来港过圣诞节，心情兴奋，她说：“老公疫情后都返过香港，佢好期待，因为佢有好多亲戚喺香港，3个小朋友都嚟过香港，佢哋好锺意香港，会学到好多广东话，我都想带佢哋返嚟多啲。”