香港
谭嘉仪一连3场《Be with You 演唱会2024》昨晚（25日）于香港演艺学院开锣，获陈敏之、翟威廉等圈中好友捧场。谭嘉仪穿上白色性感长裙登场，唱出多首歌曲后说︰“好开心，上一次演唱会係两年前嘅事。
今次呢个演唱会非常特别同唔同，同观众嘅距离非常近。今次喺演艺学院举行，同大家距离拉近咗。我好开心，本来打算开两场，后来因为反应非常之好，主办决定加场，连续开3场咁多。我期待咗今日好耐，搞一个演唱会真係好似搞结婚一样，头先开头播嗰啲片，就好似人哋结婚开头播嗰啲成长片段。
今日演唱会嘅主题係‘Be With You’，我想分享一啲由细到大be with me嘅所有嘢，追寻唱歌梦想嘅一啲人和事，或者一啲歌曲。喺呢个追梦嘅过程中，有好多天使喺身边陪住我，尤其是係我嘅粉丝，多谢﹗都好多谢我嘅屋企人，因为佢哋绝对係我身边嘅天使﹗”
谭嘉仪骚前受访，表示人生第2次开个唱，心情非常紧张，为有足够体力应付以及最佳状态示人，花了近两个月时间健身和节食，成功减了10磅。她说︰“等做完骚，我要打边炉、食蛋糕，已经预订咗蛋糕庆功。”
谭嘉仪表示舞台营造梦幻感觉，服装方面有童话色彩，以靓为主，跳唱时更会骚出21吋纤腰。她说︰“跳唱环节我排练咗好耐，辣身舞？唔知辣唔辣，希望大家觉得辣，我已尽力，始终跳舞唔係我强项。操练出马甲线同21吋腰都好辛苦，希望骚后都保持住身形。”
谭嘉仪透露尾场将有特别嘉宾现身︰“头两场演出都由我独霸舞台，今次场地较细，胜在可以近距离见到观众面孔。我会落台握手亲近大家，希望带动气氛更好。屋企人同好多圈中好友都会捧场。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
