“狠心”离港8个月！谢天华自认不孝子
薛家燕、范振锋和思敏逢周六于电台节目改了用ZOOM做直播，邀请了久未在港露面的谢天华做嘉宾。早前在内地忙完综艺节目《披荆斩棘的哥哥》及《大湾仔的夜》的天华，赶返香港与家人过年，并答应家燕上节目大谈近况。
离港8个月的天华坦言挂住老婆仔女：“上去时间一定长，唔可以随时搭飞机返香港，返嚟又要隔离，隔离28日我都试过。其实上面仲有工作，做完《大湾仔》返嚟香港过年、过节，我觉得自己系不孝子，搵食无可避免。”
天华回港时打算给小朋友惊喜，叫太太不要告诉孩子，7岁的大仔天天，看到爸爸回家时，竟呆了两秒，如在梦中。提到拍摄《披荆斩棘的哥哥》时，与小春、林晓峰、MC Jin同房。
他说：“我由细到大未试过同其他人住宿舍，四条麻甩佬同房，仲要被人警告唔好讲咁多广东话，我哋话尽量，但转头又唔记得，我哋基本上冇早瞓过……宿舍系好怀念，欢乐时光特别快，拍完之后个宿舍要拆，好多回忆，收工大家喺度Man’Stalk。”
家燕搞笑问：“都系讲女人吗？”天华哈哈大笑说：“女人讲家燕姐，讲家燕姐都讲一个通宵啦！”
家燕讲到天华于《披荆斩棘的哥哥》和《大湾仔》厨艺了得，他谦虚话：“讲真，我哋一啲都唔叻，当我哋要经营餐厅系幼稚园，屋企煮饭食都ok，开门做生意煮嘢畀人食系两码子事，低估咗件事，开餐厅四条友煮嘢食，同客人倾吓偈，一起身就要拍，边个系店长？边个负责买餸？厨房厨具、碗碗碟碟都系自己买，真系攰到死……”
家燕在演唱会邀请了天华当嘉宾及伴舞，她说：“好多人睇咗我哋part舞都赞，反应好好，本来有几场巡回都想请天华，我惊又肥咗佢抱唔起，又惊唔记得点跳。”天华笑说：“我哋改动作，改踎低，最后嗰part可以改家燕姐抱番我，哈哈……。”
早前谢天华带孩子去看魔术表演，正好赶上回港的钟嘉欣也是带儿子看表演，两人的这一张合照又是一场回忆杀。
讲到新一年大计，天华话：“有几个方向，电影、网剧，真人骚亦有，仲有演唱会，系拼盘演唱会，即系好多Artists嘅演唱会，(你哋大湾仔都可以开骚？)谂紧要就5个人个期，可能第时大家喺唔同空间都可以开到演唱会……”
而节目中，亦有网民提议TVB开拍《皆大欢喜》续集，皆因已经快20周年，天华说：“拍《皆大欢喜》我哋玩得嚟唔胡闹，睇落观众又觉有啲道理，如果要开拍，我剧中对孖仔都20岁喇！”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
