歌神张学友后日（23日）将推出“神级巨作”《学友‧经典世界巡回演唱会》精装CD，纪录历时2年3个月的233场巡回演唱会，分台北站及香港站再见篇两个版本，并分别内附不同内容的精装别册。大碟未公开发售已率先抢夺佳绩，香港首批预订突破白金销量，同时亦获两个销售榜冠、亚军，成绩彪炳！
今日（21日）适逢冬至举行线上记者会，学友指对新作了如指掌，无论内容、包装、每个细节都非常清楚。问到为何会有两个Version？他解释因为以往出唱片都有习惯提供不同版本，可迎合不同Fans的喜好，及后学友更化身KOL即场“开箱”介绍大碟，还搞笑反问：“带货系咪都系咁？”又讲到内有加入幕后花絮画面。
他表示希望让Fans窥探更多制作过程：“我敢讲呢个演唱会几乎系由头到尾，由筹备、演出、到后期设计同制作我都有份参与，能反映我嘅演唱生涯，所以系好值得收藏。”他并透露Chok爆侧面封面相都是由他挑选兼亲自操刀栽相：“喺每次巡唱过程入面一定会遇到身体唔舒服嘅情况，每次睇到呢张相个感觉都好强烈，当中充满住泪水同汗水。”
除了泪水及汗水之外，值得一提的是学友因于此巡回演唱会多次发功“捉犯”，合共逾80名通缉犯睇骚落网，而他被网民神封做“逃犯克星”，学友闻言即捧腹大笑话：“我记得！我记得！为社会做事好开心！多谢啲逃犯嚟捧场，但亦都对唔住佢哋，唔好意思！哈哈！但就算唔喺我度，都可能喺第二度畀人捉。”
是次巡演共233场破个人开骚纪录，问到之后再想自我挑战？他直言当时演唱会期间都有工作人员跟他说可以继续唱，不过他指追求纪录是永无止境的事，想按照自己计划完成：“可以做到300、500场，有冇咁多人想睇呢，唔知道，睇当时的确可以嘅，但系咪要再破呢？好话唔好听我都60岁，如果系咁破纪录会好攰，今次系自己值得纪念嘅演唱会，留住呢个都够。”
他续谓但并不代表停下来，自爆没有退休论：“听到好多朋友同我讲想退休，我系唔系好明，或者我自己系惯咗喺工作上搵存在价值，所以之后会继续做、做好自己。”
提起学友本计划巡演后办音乐剧，他不讳言表示的确已筹备了10年，追问是否因疫情面搁置？他否认说：“有继续，只系前进得比较慢，加上疫情唔敢见面少，唔够胆开会，系唔会搁置。”再言音乐剧跟演唱会不一，后者相对地简单，因为是较个人化，再练跳舞就可以上台演出；而前者则是集体事，若然冇演员、剧本就难以成事。
贵为“歌神”的学友原来都有贴地一面，疫情期间他留在家中学做家务助理，负责清洁及修理任务，久而久之没有家务不晓，又自诩学识用洗衣机及洗碗机，简直是Level up！
当笑问最大受益人是否太太罗美薇？他却爆笑谦说：“我只系识啲最简单、普通技能，我唔系出世喺富裕家庭，但屋企重男轻女，唔会掂厨房嘅嘢，到大个入咗呢行又有好多人帮我掂，但疫情期间唔掂唔得！啲家佣返咗乡下返唔到嚟，所以焗住要自己做。”爱上做家务？他抵死拧头话冇：“但系有多咗份自豪感，冇死到，求生本能强咗，系有得益嘅！”
学友又透露明年目标除了表演之外还会“出山”拍电影，受访时亦再有漏口风说已初步答应演出：“明年上半年嘅计划。（喺边度拍？）只可以喺香港拍，冇隔离呢个本钱，哈哈！我又系被需要嘅人嚟。（离开会挂住屋企人？）反而好多时系我自己放唔低，要两边兼顾。”角色吸引力大到令你久别演出？学友搞笑自嘲：“系太耐冇嘢做，你睇我好、我睇你好咋！一嚟想做嘢、二嚟系还人情债嘅！”
最后，问到他如何将广东歌推进至大湾区发展？学友说希望有更多机会将歌曲传播至不同地方，又举已故歌后邓丽君做例子：“佢都冇去过内地，但佢啲歌都红遍内地，就系靠歌手特质够强，自己尽量做多啲广东歌。”觉得现今乐坛能重返以前80、90 年代光辉的音乐年代？他坦言比较难，但又不是没可能：“香港依家培训新一代嘅能力冇咁强，虽然有好多比赛培养新人，但系咪保证能够达到演出水平？韩国新人一出嚟已经准备好，我哋都要赶上节奏。”
另外，有台湾媒体问到学友有关早前传他破产的传闻，学友亲口否认，并指都有留意到网上的不实传闻，这是一个很大的误解，又笑说自己有储钱习惯，没有任何财困问题。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
