艺人萧正楠到将军澳电视城出席《一笑渡凡间》宣传活动，众人在台上大玩游戏，期间他与汤洛雯及简淑儿玩夹波波游戏，阮儿又施展一字马。讲到今个星期就大结局，他开心大家喜欢，其中小朋友又爱看，可以让他们认识济公，很有教育意义。
他又笑言希望开拍续集：“初初以为成日会着济公嗰套衫，点知拍到第19集都未换衫，去到最尾一集先变身，所以希望有续集啦，原班阵容，因为夹得好开心。”
讲到翠如祝福好友洪永城（Tony）结婚一文被批太矫情，似写给前度，他说：“Tony真系好克佢，佢哋喺埋一齐都冇好事发生。”
他表示大家睇完篇文章都应该会明白翠如意思：“唔系踩Tony又唔系宣泄啲乜，只系当佢好似细佬咁，见佢依家有个咁好嘅太太有啲感触，总之我哋4个人知道系冇任何意思，而翠如亦都觉得Tony大个仔，叫佢唔好辜负身边呢一个。”
问到之后可会叫翠如发文小心点，因常常被人曲解？他说：“有心人去谂另一个意思，甚至误解都冇办法，但唔可以因此而唔Post，唔可以因为咁而放弃自己嘅人生，应该继续做。”
至于之前与太太黄翠如卷风波，他心情轻松有备而来表示：“呢啲事在所难免，如果大家剩系Cap嗰一秒真系控制唔到，大家睇晒条片就会知咩事，我哋真系连续3个几星期跑步冇停过，每朝6点起身跑一个钟。
（你哋有冇唔开心或无奈？）无奈，唔可以话唔开心，其实段片冇表达任何意思，只系享受跑步同影相作为纪念，但啲人要误解我都冇办法。”
“靓汤”汤洛雯及简淑儿（Jessica）到将军澳电视城出席《一笑渡凡间》宣传活动。问到最后谁情归萧正楠？靓汤笑言不想剧透，但作为“大婆”都心痛Jessica。
对于阿萧想原班阵容开拍续集，2女大表赞成：“可以拍时装版，讲济公穿越现代。”
而讲到新一届港姐开锣，她们身为师姐兼属同届港姐，靓汤就谓没有留意，但知道关礼杰大女关枫馨有参选，她说：“我唔识佢，但我识关礼杰，因为有合作过。（你哋都系星二代，会唔会有咩寄语佢？）要放松心情，我当年就系因为‘星二代’呢个称号，所以好大压力，搞到冇自信。”
她又笑言：“好多人话我哋有后台，其实系冇，我就系人办，做咗9年先有机会做女一，我觉得佢可能系唔想大家觉得佢靠屋企，想靠自己努力，所以先嚟参选，所以会支持她。”
而Jessica就谓有留意新一届港姐，笑言对似足佛祖的霍韵璇最深印象，赞对方样子慈祥。
另外，讲到靓汤男友马国明新剧《宝宝大过天》刚开播，她坦言未有时间看，问到岂不是见不到男友凑BB的样子？她笑言：“嗰时我哋同一时间开剧，我有时都会去探班，都会见到香香（岑丽香）同马明凑BB乸手唔成势嘅样，但香香好啲。（睇到之后有冇刺激到你？）有呀，刺激到我唔想生，哈哈。”她又谓男友都想睇《一》，呼吁大家现时可以睇晒2套剧！
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
