黄美棋孖男友自制浪漫满屋花海爱巢时尚干净又舒适

早于14年，黄美棋同男友钟健威（Ray） 因为拍摄旅游节目而传出绯闻，其后更被爆同居。当年美棋BB 拍摄受伤，Ray 更加远道由香港飞去威尼斯探病，出面到咁美棋BB 都死口唔认同居，更加唔肯认爱，话自己份人old school 接受唔到同居喎……

六年过去，黄美棋早喺16年情人节公开认爱，二人相恋多年感情亦都愈嚟愈稳定，见过家长论及婚嫁。由于疫情关系，今年人人玩staycation 日日居家，美棋BB 食早餐同Ray 一齐、做运动又一齐、晚饭边炉同一背景撑台脚，连饭后jam 歌开直播都系一齐，由朝孖住宅喺屋企直到晚黑，今次冇得唔认系同居喇啩！

村屋最好就系间隔四正楼底又高，简简单单一幅白墙蓝色窗帘，已经显得时尚、干净又舒适。

两口子爱巢为村屋三楼连天台，室内陈设以白色为主，疫情关系经常宅在家，二人撑台脚食蒸气锅一样可以好满足。

14年传出绯闻，16年正式认爱，年年男友生日都悉心准备美棋BB，今年又约齐朋友大肆庆祝男友36岁牛一，而合照地点正是二人同居窦天台。

天台开扬大到足够男友Ray 练踢腿，而且风景一流，好天时美棋BB就会孖住Ray 一齐上天台做运动。
其实呢两位感情要好、外形衬绝、又公告视对方为结婚对象，搵啱地方搬埋一齐住试婚都无可厚非。二人爱巢喺西贡，系村屋顶楼连天台单位，唔止返电视台返工方便，间隔四正、空间感十足，仲有私家天台做运动健身㖭！两口子又喜欢摆到成屋都系花，营造浪漫气氛！生活乐也融融如鱼得水，系时候谂吓几时拉埋天窗喎！

两口子生活写意，拍拖多年依然够晒情调，食个早餐啫，都搞到花团锦簇咁。

同一张饭台老是常出现，Ray 办公靠渠，美棋BB 影靓相sell 产品都系靠渠，背后一系列白色柜虽然杂物摆放得多，不过收拾得井井有条。

二人除咗情侣档出席公开活动，近月亦都学人玩，夜妈妈一齐jam歌食宵夜，屋中除咗主要色调白色，就系呢张浅灰色梳化。

连衣帽间都要分男女，一边柜系摆放美棋BB 慨手袋、高踭鞋，另一边亦有男友专属柜摆珍藏多年波鞋。

搬入新屋时美琪BB表示好兴奋，执完自己个衣帽间亦都第一时间拍片介绍。

其实呢个同居窦都系19年十月一齐迁入，所有装修都仲系新簇簇白雪雪。