确定取消！
由上年年底一直传得沸沸扬扬嘅
取消广东省机动车长途驾驶项目考试
终于要实行喇！
?
从2017年4月1日起
取消长途驾驶考试！！
今日早上广东各大驾校已喺群内发布消息↓
广州市公安局交通支队公告↓
关于做好取消长途驾驶项目考试
相关工作通知：
1、2017年4月1日起，取消广东省机动车驾驶人长途驾驶项目考试。
2、4月1日前已参加长途考试合格的，按139号令相关规定参加剩余科目考试。
3、4月1日前未通过长途考试（含符合条件未预约、已预约未参加长途考试和已参加但不合格），4月1日后不再需要参加长途考试，按139号令参加剩余科目考试。
4、3月31日起，各长途考试签章点停止受理长途考试签章业务，3月30日（含）之前受理的长途考试签章业务，须在3月31日全部办理完毕。
简单啲嚟讲喺4月1日之后
已经考咗长途、未考长途、长途唔合格嘅学员
都係直接参与剩余科目的考试
（科目三路面、科目四笔试）
而已经受理长途考试嘅学员
需要喺3月31日前完成长途考试
自今年开始
广东不断传出难度大升级嘅驾考新规
例如针对取消长途考试后嘅训练内容：
科目三路面训练唔可以少于300公里
虽然目前呢项政策仲未出台
但係小编相信不久嘅将来
肯定又会有其他新考试内容出现
还有自1月1日起实行“先学车，后计时收费”嘅全新驾考政策：
1. 报名后，先缴3780元的理论培训费和考试费，然后参加科目一考试；
2. 科目二、科目三开始上车训练后，按学时收费：周一至周五，每小时150元；周六、日，每小时180元以上，两科目总共学时不得少于48学时（一般来说，学员是12个小时就非常熟练驾驶技术可以考试了），否则无法预约考试！按150/小时计算，科目二、科目三训练的总费用为7200元；
3. 指纹签到，GPRS卫星定位（学时数据由教练车上的车载计时计程器自动上传录入到运管处和交警支队考试系统），不能用任何人替代。
4. 补考的学员，必须重新训练，不得少于10小时，按150/小时计算，费用1500左右。
小编就随便咁想象下取消长途之后
广州科目三路考内容会增加啲咩：
可能全部都要去番禺化农考场开到五档？
可能由原来嘅十六个项目增加到二十六个？
可能要......
总之肯定就唔会简单得去边！
小编上个月岩考完长途
以过来人嚟讲
觉得考长途应该会比将来出台新嘅考试政策
简！单！好！多
因为长途唔过嘅学员的确好少
早前传出广东驾考科目三难度将增大
90%挂科率嘅消息引起热议
考试将会增加对车轮嘅偏向、
挡位使用里程数规定、
档位同速度嘅匹配标准等等内容
虽然后来交警出来辟谣无呢回事
但係取消长途之后就好难讲喇
而且根据今年开始改革嘅收费政策
一挂科就要重新训练
按150蚊/小时计算，训练唔可以少于10小时
姐係挂科就要乖乖地交多1500蚊左右...
目前为止喺广州补考科目二、三
行规补考费四五百蚊一次已经好肉赤
如果以后补考费要千五蚊
对于实操能力比较弱嘅学员
简直係无底洞啊！
谂下如果科目二补考两次、科目三补考两次
.......
好多学员喺科目一二中学习嘅
都係道路嘅知识和最基本驾车技巧
但呢啲嘢远远不足以面对复杂嘅路面情况
考长途嘅好处就係
能令你感受路面嘅实际情况
40公里入面当有各种问题发生嘅时候
旁边有教练即时指导，对于新手上路有好大帮助
都对接下来科目三路考增强信心
当然，有关部门决定取消长途考试
出台驾考新政，肯定有佢地嘅道理
一直都有人抗议取消长途训练
因为全国驾考只有广东有长途训练呢一项
而且大多数学员都觉得
去一次长途费用太贵
少部分教练仲会通知学员要另收住宿伙食费
交嘅费用同得到嘅住宿、餐饮唔对等
饭店又高价收费
大部分学员被要求潜意识请教练食饭
帮教练买烟买酒等等
仲有其实长途嘅距离唔算远
基本上当日下午4、5点考完就可以走
由教练直接开翻去、根本无必要住一晚
浪费两日时间，劳民伤财
话就係扶贫，但係无法理解点解唔係政府扶持
要由驾考学员出钱
而且长途考试毕竟係新手第一次上路
教练一个人带住四个学院上路
有一定危险性
取消咗之后会大大减少意外发生
每项政策嘅出台
都会有两种声音
无计啦，唯有硬食，鬼叫未摞到牌咩~
小编今个星期要去考科目三喇
保佑千奇唔好抽到广汕路！
今期热点
- 花胶鸡煲只要99蚊！东山口小洋楼餐厅店庆福利！
- 天河日料性价比之王，人均40+解决午餐
- 全广东最刺激嘅“玻璃桥”下星期开放！广州出发只要一个钟！
- 呢个女人居然帮陈冠希生仔？！
- 芳村食海鲜新地标！7Plus咁大嘅生蚝免费送！
- 儿时动画新放送！广州仔女嘅童年返嚟啦！
- 黄秋生影视生涯最血腥恐怖电影，要一刀切咗男人下面...
- 能带你回去学生时代的小食店，每一口都是回忆与青春
- 我哋请人啦！月薪4000起再+绩效，搵工跳槽嘅你留意啦！
赞赏
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
