《東張女神》李旻芳今日(11/11)出席「東張女神盃」記者會。對於在《東張西望》外景採訪時,經常因面對苦主的慘痛遭遇而露出極度同情、表情包滿滿,被網民截圖封為「表情包大師」。
李旻芳接受《香港01》訪問時笑言:「我由細到大都係比較感情豐富,我啲表情管理係比較差嘅,所以有咩都擺晒喺面上,開心唔開心、想笑想喊,我都唔鍾意遮掩。其實我都有學習緊,希望可以收返啲感情。因為我哋訪問嘅人多數都係一啲好慘嘅個案,聽到人哋咁慘,你自己都會身同感受,所以就自然比較多呢啲表情。」
![]()
李旻芳採訪苦主表情包豐富 ,坦承身同感受難控情緒。(葉志明攝)
單方面向老公請教 搞笑自爆考慮「整容」止表情
面對網民的意見,李旻芳表示自己全部有收進心底,平時也會向同為《東張》主持的丈夫黃耀英請教如何做到公私分明,可惜對方做事非常理性。
李旻芳笑說:「我平時都有單方面向佢請教,因為佢好分得開,無論做嘢或感情,我問佢點樣控制到,佢就叫我唔好帶感情入去,要置身事外。其實男性真係比較理性,我老公對其他人好Nice,但對我就幾冷酷嘅!」
李旻芳續說:「網民覺得我表情多、好似隨時想喊咁,我都吸收咗,努力學習緊。我甚至笑住考慮緊係咪要去整容,整假返啲嘢令自己笑或者喊嘅時候,個面部表情冇咁多添啊!講笑咋!」
![]()
TVB今日於觀塘舉行《萬千星輝賀台慶》記者會,宣布今年台慶將特別推出「東張女神盃」競技環節。六位「東張女神」甘詠寧、黎寬怡、李旻芳、陳庭欣、何沛珈及梁敏巧齊齊出席。(葉志明攝)
![]()
![]()
特别声明:以上内容(如有图片或视频亦包括在内)为自媒体平台“网易号”用户上传并发布,本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.