网易首页 > 网易号 > 正文 申请入驻

小儀拍攝劉德華投資賀歲片,盼召喚張栢芝出山:圓我哋舞台劇嘅夢

0
分享至

小儀今日(17日)為呂爵安(Edan)、許軼(Day)及黃梓僑(Elvin)做嘉賓的活動擔任司儀,自爆為Edan以「抵得諗價」接job。受訪時她講到森美早前自爆當年曾對容祖兒心動,問小儀:「呢個女仔得喎!如果追佢,你估我得唔得吖喇?」小儀回憶起當時情景,直言睇死森美唔夠膽:「我咪敷衍佢話『係囉,去追囉。』因為我知佢永遠唔夠膽。我話『去追囉』,佢永遠得個講字,好渣㗎佢,佢永遠都唔會做。」小儀又大爆森美好「大貪」,以前有本畫簿貼滿不同女明星的靚相,指森美最愛曾華倩、鍾楚紅:「嗰本簿仲有好多女artist,唔知佢仲有冇keep,因為可能老婆要佢抌咗,你知佢幾驚老婆!」此外,小儀確認將參與由劉德華投資、改編自《關於那隻龜回魂的故事》的2027賀歲片,更再次表示希望召喚到張栢芝出山!



小儀今日(17日)為呂爵安(Edan)、許軼(Day)及黃梓僑(Elvin)做嘉賓的活動擔任司儀。(鄧穎琪攝)

小儀「抵得諗價」接Edan Job 心痛對方瘦晒

講到再次因偶像Edan帶挈而有Job,小儀公開呼籲:「有佢有我、有我有佢!都唔係個個job,佢前排有個job都冇搵我,但係唔關佢事嘅。而家做吓宣傳先,各大品牌,當然Edan好搶手大家都知,有佢幫手嘅工作,不妨可以諗吓阮小儀我嘅!因為我都好抵得諗㗎!我好愛Edan,我好抵得諗,你搵我就明白『抵得諗價』是什麼。」活動上她影相時,Edan從後搭住她膊頭,之後小儀攬攬對方,心表痛謂:「你瘦晒呀而家!」她於訪問中解釋:「心痛呀,佢一拍劇同拍電影就瘦晒,佢話肥咗,但係我覺得係瘦咗嘅,睇佢都係,成個人瘦咗啲,但係都好吖,即係佢落力工作,每一個男人落力工作就係最吸引最迷人。」她更笑言相信現在自己可以抱得起對方。



講到再次因偶像Edan帶挈而有Job,小儀公開呼籲:「有佢有我、有我有佢!都唔係個個job,佢前排有個job都冇搵我,但係唔關佢事嘅。而家做吓宣傳先,各大品牌,當然Edan好搶手大家都知,有佢幫手嘅工作,不妨可以諗吓阮小儀我嘅!」(鄧穎琪攝)



小儀表示為了見Edan,自己願收「抵得諗價」!(鄧穎琪攝)



活動上她影相時,Edan從後搭住她膊頭,之後小儀攬攬對方,心痛謂:「你瘦晒呀而家!」(鄧穎琪攝)

分享婚後幸福人妻下廚生活 老公最愛豉椒蒸排骨

小儀去年宣布婚訊後,至今享受住幸福人妻的生活,她因為工作忙未必晚晚煮飯,但幸好自己與老公都偏好食得清淡,所以在家煮飯都是吃烚菜、蒸肉餅、蒸水蛋居多,而且兩人都愛飲湯,小儀指自己有很多湯水食譜未及放上網跟大家分享,問到老公最愛她煮的哪一道菜,小儀說:「呢句說話好深喎!佢……如果我有聽過佢講,佢鍾意我整豉椒蒸排骨,蒜蓉蒸排骨嗰啲佢都鍾意,但係煲湯佢就普遍都喜歡,佢同我都咁啱都鍾意飲章魚湯,譬如節瓜煲章魚,真係好好飲!香到癲!呢個零技巧,只要隻章魚處理得到,你烘一烘佢,跟住再擺落個煲度,煲湯點都好味,我講嘅,點都好味!」被問有冇其他男人飲過她煲的湯,小儀說就連Edan和森美都冇飲過:「我做咩要俾森美飲?佢有姐姐煲俾佢飲,老婆都唔會煲㗎,佢姐姐煲㗎咋,佢冇咁幸福,姐姐煲。」



小儀分享幸福人妻生活,透露老公最愛吃她煮的豉椒蒸排骨、蒜蓉蒸排骨,而且常常煲愛心湯水。(鄧穎琪攝)

森美自爆曾想追祖兒 小儀取笑:佢永遠得個講字

講起森美,早前他在電台開咪時,自爆多年前看祖兒第一次做Live show時已被深深吸引:「第一次見你做live show,第一次見到個咁嘅女仔喺台上面表演。我睇完,『嘩』,好正喎!好靚!嗰時我同小儀一齊做司儀,我話,呢個女仔得喎!如果追佢,你估我得唔得吖喇?」小儀事後都記起有關畫面,她在訪問中取笑森美根本冇膽追、得把口:「係嘅,佢有講過,佢淨係話『呢個女仔得喎!我覺得佢Charm得嚟又可愛。』因為容祖兒嗰時真係幾可愛,而家都可愛啦當然,但係我哋認識嘅祖兒係喺後台嘅時候佢好得意,所以森美嗰時,我印象記得佢未結婚㗎,所以咪講呢一句,但係佢自己又唔敢同容祖兒講,同我講有鬼用?(記者:你當時點答佢?)我咪敷衍佢話『係囉,去追囉。』因為我知佢永遠唔夠膽。我話『去追囉』,佢永遠得個講字,好渣㗎佢,我話『去追囉』,佢永遠都唔會做。」之後她更扮森美平時「」女的模樣,大爆有時甚至入神到要小儀叫「喂!我哋喺呢邊呀!」



早前森美在電台開咪時,自爆多年前看祖兒第一次做Live show時已被深深吸引:「第一次見你做live show,第一次見到個咁嘅女仔喺台上面表演。我睇完,『嘩』,好正喎!好靚!嗰時我同小儀一齊做司儀,我話,呢個女仔得喎!如果追佢,你估我得唔得吖喇?」



小儀聽完森美講之後,回應:「我咪敷衍佢話『係囉,去追囉。』因為我知佢永遠唔夠膽。我話『去追囉』,佢永遠得個講字,好渣㗎佢,我話『去追囉』,佢永遠都唔會做。」(鄧穎琪攝)

爆森美珍藏「女神簿」 曾華倩鍾楚紅都上榜

問到除了祖兒外,森美曾否透露自己對哪位女明星心動過,小儀直言有很多,更大爆:「佢細個有儲一啲明星嘅相,佢覺得靚嘅,就會有一本Sketchbook貼住嗰個artist,佢真係好大貪!好多經典靚女佢都有貼到,曾華倩係其中一個,佢有同曾華倩講嘅,佢真係同曾華倩講,我哋一做親嘢佢就話『你知唔知我好鍾意你㗎?』鍾楚紅嗰啲佢更加喜歡,因為我記得嗰時鍾楚紅有一個牛仔褲廣告,佢話佢有剪到呢一個廣告出嚟貼咗喺本簿,嗰本簿仲有好多女artist,唔知佢仲有冇keep,因為可能老婆要佢抌咗,你知佢幾驚老婆!佢真係好冇用!越老越驚老婆,我戥阿嫂開心呀真係。」小儀笑指可能怕老婆會發達,所以森美越來越發,一臉福相,至於老公怕不怕自己、有冇發達,小儀思索幾秒後笑說:「唔知!我哋財政獨立,所以我唔知。」



小儀大爆森美有用畫簿儲女明星相,當中最愛就是曾華倩、鍾楚紅。(資料圖片)



小儀:「嗰本簿仲有好多女artist,唔知佢仲有冇keep,因為可能老婆要佢抌咗,你知佢幾驚老婆!佢真係好冇用!越老越驚老婆,我戥阿嫂開心呀真係。」(鄧穎琪攝)

阿正升呢「太子道西女人」 小儀爆對方勁多名牌袋

近日接班人阿正(黃正宜)被爆進駐加多利山,成為新一代富婆,更自封「太子道西女人」,小儀聽到記者說阿正承接自己後,即謙稱:「真係唔敢當!佢比我更勁,真心佢比我更勁,你見佢『嘩!幾多廣告,嗰時我哋好難得先會得到紅隧廣告,佢紅隧廣告咁多次喎!』大廈Building嗰啲大廣告,雖然而家我同森美都勁、都多,但係阿正密,我哋追唔切,俾啲位我哋攝吓啦唔該!」問到從何時開始發現阿正榮升富婆,小儀更爆料:「由佢不停換名牌手袋開始!佢係咪癮我唔知,我哋以前認識嘅阿正,佢嗰時做我哋節目PA嘅時候,森美仲成日笑佢件衫,着件棗紅色衫,成個教書老師咁,仲要成日都着嗰件,唔係嗰件就牛仔褸,一件淺色加大碼嘅牛仔褸,嗰時明明唔興咁大件,但係唔知點解佢着咁大件,可能覺得着多幾年都襟?佢以前係慳妹,真心,而家有錢,我見佢呢一次又呢個手袋,嗰一次又嗰個手袋,仲要嗰啲手袋係講緊嗰個型號唔容易買嘅!當然佢唔係闊太嗰隻,係young嘅,而家年青一代大家會喜歡嗰啲款嚟嘅,咁我就話『嘩!勁呀!」



講到阿正進駐加多利山,小儀指她比自己更勁,常常有紅隧口廣告,表示:「我哋追唔切,俾啲位我哋攝吓啦唔該!」(鄧穎琪攝)



小儀大爆阿正由昔日慳妹,變成有很多名牌手袋的富婆!(Instagram:903ahjeng)

至於知唔知阿正的手袋是否要六位數一個,小儀說自己冇研究名牌袋,所以不清楚,但款式確實多,不同衫、不同場合又會襯不同手袋:「佢係連casual嘅時候都有一個名牌袋喺側跟!同埋頂帽呀!嗰隻鴨嘴帽,唔平㗎!我嗰啲百幾二百蚊㗎咋,佢嗰啲係講緊唔係千幾蚊,係幾千蚊,富婆呀!」不過小儀稱暫時仍未去過對方的新屋,雖然阿正有邀請,但二人總是夾不到時間,但她就不時去幫襯阿正的咖啡店支持。



小儀爆阿正著不同衫、不同場合又會襯不同手袋:「佢係連casual嘅時候都有一個名牌袋喺側跟!同埋頂帽呀!嗰隻鴨嘴帽,唔平㗎!我嗰啲百幾二百蚊㗎咋,佢嗰啲係講緊唔係千幾蚊,係幾千蚊,富婆呀!」(Instagram:903ahjeng)

劉德華投資舞台劇改編賀歲片 小儀感激「牙齒當金使」

最後,小儀有份主演的舞台劇《關於那隻龜回魂的故事》自月前公演後口碑載道,最近更吸引到天王劉德華投資開拍電影版,於明年賀歲片檔期上映。小儀對此非常開心,因為以前拍賀歲片都是客串或插科打諢性質,但今次舞台劇每個角色都有很好發揮,令她非常期待。她感謝劉德華垂青:「佢好鍾意劇本,睇完嘅時候,嗰晚已經捉住我哋講話好鍾意好鍾意個劇本,睇吓有冇啲咩合作,佢果然真係牙齒當金使!佢真係諗到個合作,就係佢投資拍呢個賀歲片,真係多謝華仔,我哋台前幕後每一個人知道呢件事嘅時候,都非常之開心。」



小儀有份主演的舞台劇《關於那隻龜回魂的故事》自月前公演後口碑載道,最近更吸引到天王劉德華投資開拍電影版,於明年賀歲片檔期上映。



小儀多謝劉德華投資開拍賀歲片:「佢果然真係牙齒當金使!」(鄧穎琪攝)

電影版未開鏡 再「集氣」召喚張栢芝出山

小儀透露目前仍在夾排攝日子,因為演員們各有工作,暫未開始拍攝,談到原版舞台劇以張栢芝歌曲《任何天氣》貫穿,演出時小儀更公開邀請栢芝入場:「大家可能估唔到,原來張柏芝有首歌對我哋套戲非常重要。所以想借大家力量幫我哋集氣,希望可以邀請到張栢芝入場睇戲!希望可以呼喚到佢!」問到今次拍電影,會否希望華仔能成功召喚栢芝出山?小儀再三表示好期待:「嗱!呢一個呢,我好期待!真係圓咗我哋喺舞台劇嘅夢,我哋每一日都話希望張柏芝可以嚟睇,希望張柏芝可以嚟睇,如果今次有份演埋嘅話,甚至可能去到最後真係有個surprise俾我哋嘅話,我相信我哋台前幕後甚至Melody阮韻珊,因為劇本佢寫嘅,佢有個原因擺張柏芝隻歌落去,所以我諗佢更加更加開心!」



原版舞台劇以張栢芝歌曲貫穿,演出時小儀更公開邀請栢芝入場:「張柏芝有首歌對我哋套戲非常重要。所以想借大家力量幫我哋集氣,希望可以邀請到張栢芝入場睇戲!希望可以呼喚到佢!」(鄧穎琪攝)



問到今次拍電影,會否希望華仔能成功召喚栢芝出山?小儀再三表示好期待:「嗱!呢一個呢,我好期待!真係圓咗我哋喺舞台劇嘅夢!」

特别声明:以上内容(如有图片或视频亦包括在内)为自媒体平台“网易号”用户上传并发布,本平台仅提供信息存储服务。

Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.

相关推荐
热点推荐
孔蒂揭秘离开国米原因,张康阳曾要求卖掉几乎所有球员

孔蒂揭秘离开国米原因,张康阳曾要求卖掉几乎所有球员

懂球帝
2026-11-19 21:42:55
破防了?巴基斯坦的老百姓都明白一个道理:中国强,我们就强

破防了?巴基斯坦的老百姓都明白一个道理:中国强,我们就强

麓谷隐士
2026-10-20 00:05:04
到达深圳后,中国台湾代表施振荣喊话大陆,赖清德交给他3个任务

到达深圳后,中国台湾代表施振荣喊话大陆,赖清德交给他3个任务

凡知
2026-11-19 10:52:17
纳德拉力挺英伟达:黄仁勋离职令人遗憾 但对公司未来仍充满信心

纳德拉力挺英伟达:黄仁勋离职令人遗憾 但对公司未来仍充满信心

cnBeta.COM
2026-11-20 00:05:02
高市早苗参加APEC晚宴!穿红衣黑裙很知性,却是抵达机场时的衣服

高市早苗参加APEC晚宴!穿红衣黑裙很知性,却是抵达机场时的衣服

八八尚语
2026-11-19 10:39:30
消息确定!她已决定退出!

消息确定!她已决定退出!

清唱
2026-11-18 22:58:00
男子发视频吐槽朋友中年失业还不起百万房贷又来借钱,他果断拒绝,救急不救穷,无负债就是最大的奢侈。

男子发视频吐槽朋友中年失业还不起百万房贷又来借钱,他果断拒绝,救急不救穷,无负债就是最大的奢侈。

捣蛋窝
2026-11-19 18:36:08
54年来头一遭,打破美国总统常规,特朗普在深圳究竟看到了什么?

54年来头一遭,打破美国总统常规,特朗普在深圳究竟看到了什么?

影孖看世界
2026-11-19 23:36:48
马克龙在吉隆坡语出惊人:各国要么沦为中国的附庸,要么沦为美国的附庸

马克龙在吉隆坡语出惊人:各国要么沦为中国的附庸,要么沦为美国的附庸

起点财经
2026-11-18 14:00:14
太惨烈了!萍乡交警查酒驾时被杀,三人死亡

太惨烈了!萍乡交警查酒驾时被杀,三人死亡

江启
2026-11-19 05:58:48
69岁张铁林聚餐照曝光,叼着烟斗涮铜锅,一桌老北京规矩,栽在一口烟上,网友吵翻:私人饭局该不该管

69岁张铁林聚餐照曝光,叼着烟斗涮铜锅,一桌老北京规矩,栽在一口烟上,网友吵翻:私人饭局该不该管

迪迪的娱乐故事
2026-10-19 17:09:33
当年被骂自私的高龄产妇盛海琳,16 年后,双胞胎女儿成了她的依靠

当年被骂自私的高龄产妇盛海琳,16 年后,双胞胎女儿成了她的依靠

子芫伴你成长
2026-11-20 00:05:05
秦红缨的死就是为了给林昭和陈素让路?《持械入宋》里这条评论,让我破防了!

秦红缨的死就是为了给林昭和陈素让路?《持械入宋》里这条评论,让我破防了!

姜糖先生
2026-11-19 18:44:37
阿里巴巴最新业绩出炉!股价巨震

阿里巴巴最新业绩出炉!股价巨震

证券时报
2026-11-19 21:29:11
丰盈不是累赘,饱满身姿更显大气

丰盈不是累赘,饱满身姿更显大气

穿的像个人样
2026-11-17 08:01:36
演员张慧雯恋情曝光,男友贺鹏是富二代,也是杨紫的大学初恋

演员张慧雯恋情曝光,男友贺鹏是富二代,也是杨紫的大学初恋

林轻吟
2026-11-19 07:20:48
大马丁:在梅西退出国家队后,我们应该适当降低门票价格

大马丁:在梅西退出国家队后,我们应该适当降低门票价格

懂球帝
2026-11-19 21:52:10
王子璇还原文吉儿火车换位置事件

王子璇还原文吉儿火车换位置事件

老吴教育课堂
2026-11-19 16:15:51
县委书记被双规后,45岁副县长约书记19岁女儿爬山,说有要事相谈

县委书记被双规后,45岁副县长约书记19岁女儿爬山,说有要事相谈

秋风专栏
2025-04-15 17:16:42
反了!森林狼联盟第一防守!爱德华兹或无缘3亿顶薪

反了!森林狼联盟第一防守!爱德华兹或无缘3亿顶薪

篮球实战宝典
2026-11-19 15:15:49
2026-11-20 00:52:49
粤睇先生 incentive-icons
粤睇先生
粤港澳大湾区互动式文化娱乐自媒体
13470文章数 288关注度
往期回顾 全部

娱乐要闻

刘欢有6位生死之交,个个可托付后事

头条要闻

中国女子在希腊失踪半年 保险箱发现10万欧元现金

头条要闻

中国女子在希腊失踪半年 保险箱发现10万欧元现金

体育要闻

伪强队?拥4亿豪阵欧国联6连败+世界杯出局

财经要闻

10万人逼宫英伟达,黄仁勋要复职了?

科技要闻

老黄想回来?英伟达董事会:没门

汽车要闻

全新红旗H9最有意思的地方,是它开始有自己的豪华逻辑了

态度原创

数码
亲子
家居
教育
时尚

数码要闻

苹果公布2026古典乐年度专辑:任奫灿《哥德堡变奏曲》获奖

亲子要闻

宝宝气人但是聪明的4个行为

家居要闻

2026建博会(广州) 公装联探展交流活动

教育要闻

济南市历下区燕山小学教育集团将出席2026第四届课博会,解码“做中学”视域下小学科学教育生态构建

秋天衣服别总穿纯色,试试这几件条纹单品,简单时尚又减龄

无障碍浏览 进入关怀版