广东
分享至
劉佩玥今日於深圳出席無綫與優酷聯合出品的新劇《模範律師團》開機儀式。她特地為劇中角色剪頭頭髮：「留咗好多年長髮，想畀觀眾更大新鮮感，短髮造型亦都切合角色。我個角色係唔准笑，佢哋叫我要笑就喺鏡頭外笑。我係好寸嘅，淨係聽師傅（羅嘉良）講，好有正義感，唔係心高氣傲，係滿腔熱誠想力爭上游，因為出身於基層，唔需要任何人幫忙，非常之尊師重道嘅。我第一次做律師，上庭有好多挑戰，好多嘢要記，我會畀心機演好去，喺鏡頭外笑晒去。」
劉佩玥。(陳順禎攝)
感恩可同時與呢4位前輩合作
劉佩玥有份主演今次新劇，坦言感到好感恩：「我成日抽到好簽，同啲好好嘅前輩合作，今次係一炮四響，同煒哥（陳煒）雖然合作過，但係好少對手戲，同撈家（羅嘉良）、阿怡（楊茜堯）同阿滕（滕麗名）就未合作過，好期待，阿滕拍咗處境劇咁耐，出返嚟拍正劇，可以合作係超級開心，我要努力追趕前輩進度。同張曦雯、何廣沛就合作過，大家都好好朋友，喺《俠醫》入面張曦雯成日畀我蝦，今次呢套劇就唔會再咁樣。」
劉佩玥剪了短髮。(陳順禎攝)
劉佩玥的角色不准笑。(陳順禎攝)
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
