辽宁
今日（3號）一早有傳聞話97歲嘅李嘉誠近日病重，搞到全港傳媒即刻衝去港島某醫院守住個門口，個個都嚴陣以待。
不過下晝就有中環banker兼kol葉朗程就喺社交平台po咗一張誠哥嘅相片出嚟，仲話呢張係「李生新鮮滾熱辣的近照」。
相入面嘅誠哥冇戴眼鏡，精神奕奕，坐喺度同人傾到手舞足蹈，完全唔似有病嘅樣。
而葉朗程仲話，前日誠哥趁住天氣凍，所以出咗去打邊爐，邊食邊同朋友吹水，討論緊某項醫療科技嘅重大突破。
坐喺誠哥隔離嗰位，就係腸胃肝臟科知名醫生許偉武，兩個人傾到興高采烈手舞足蹈。
雖然唔知佢張相點樣得嚟，不過作為金融kol，有啲特殊渠道都唔出奇嘅，又或者有人安排佢放料辟謠都唔定。
最搞嘢嘅係，今日全港傳媒都四出打聽，包括小小超旗下嘅兩間傳媒亦都一樣。
所以葉朗程仲補刀話，咁大單新聞，竟然唔問最知情嘅嗰個，笑佢哋真係「好大鑊喎」。
其實誠哥生活一向低調，嚿年5月先去過啟德睇五月天演唱會，仲坐喺包廂入面跟住音樂打拍子。
睇咗差唔多兩個鐘先至走人，臨走時佢仲向現場觀眾揮手講「多謝晒」。
當時有記者問到公司情況嘅時候，喺佢隔離嘅紅顏知己周凱旋即刻代答：「李生退咗休喇！」
而喺嚿年11月大埔宏福苑大火發生後，李嘉誠基金會就即刻捐咗8000萬，仲發聲明慰問受影響嘅市民。
雖然退咗休，但誠哥近年透過李嘉誠基金會大力支持醫療科技發展，主要聚焦喺無創癌症治療同先進儀器嘅引入。
佢仲買咗三部亞洲首批Histotripsy組織碎化系統捐畀三間香港醫院。
同時資助咗幾十名肝癌患者免費或低成本接受呢種氣泡碎腫瘤、無痛無創嘅新療法。
誠哥話自己都覺得新設備好神奇，希望減輕公營醫療負擔同埋患者個人負擔咁話。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
