2011年，闵行首批经适房业主喜提新居！丨喇叭头里的乡音

新年添新家，安居暖人心！2011年新年伊始，颛桥镇翔泰苑小区里暖意融融，沈加奎、宋余巧等家庭陆续搬进期盼已久的新居，圆了多年的住房梦。从挤在小屋到住进南北通透、配套齐全的新家，从打地铺到拥有专属卧室，从不敢请客到期待亲友欢聚，政策红利让一个个普通家庭的生活焕新。随着更多业主陆续收房装修，这份安居的喜悦蔓延开来，让这个新年满是幸福滋味～今天，你将听到的是《新闻：闵行区首批经适房业主住进新居过新年》。

原颛桥广播站播音员牛美华

新闻：

闵行区首批经适房业主住进新居过新年

选自2011年1月16日《闵行报》

播音：牛美华

昨天上半日，记者走进了沈加奎勒颛桥镇翔泰苑小区新家。新房子是一套四楼个二室户，75个平方米，南北通透，采光好。因为勒周末沈加奎全家刚刚搬来，房间里有眼凌乱，但看得出一家人个心情侪老好个。

浅灰色个橱柜，白颜色个墙砖，深颜色个实木地板……搿些年，拥有新房个梦想一直牵牢沈加奎勒跑：去年（2010年）11月拿到搿套经适房钥匙之后开始装修，上个周末搬了家，全家人个梦想终于勒年前实现了！

沈加奎个囡儿沈璘艳带记者来到伊朝南个卧室参观，已经23岁个伊高兴地告诉记者，搬进了新家，伊再也用勿着打地铺困觉了，终于有了自介个床了。沈璘艳语气当中个快乐让勒一旁个爷娘特别感慨。搿一家人勒39平方个小屋里轧了20多年，狭小个空间让伊拉心里向哪能也敞亮勿起来。

老早就想要买套面积大一眼个房子，沈加奎一直觉着搿梦想离自己忒远忒远了，直到有一日妻子拿勒电台里听到个一则新闻告诉伊：政府出台了经济适用房个政策，符合条件个侪可以申请。

“原来屋里地方小，春节也从来勿勒屋里请客，今年我伲准备请亲戚朋友到新家来聚聚！”住进新房个沈加奎对未来充满了憧憬。

问起对新房是勿是满意，全区第一家拿钥匙、第一户住进新房个宋余巧一家门侪打了100分。宋余巧买个搿套106平方米个三房位于一楼，房型正气，南北通透，宋余巧搭丈夫、公婆住勒此地已有一个多号头了。宋余巧兴奋个带牢记者四处看，“你看，房子前头没啥遮挡个，所以一楼个采光也老好，两间卧室侪朝南，老清早太阳就晒进来，被头侪用勿着拿到阳台晒了。”

宋余巧一家是从杨浦区动迁到碧江路红旗二村个，四个人勒50多平方个房间里住了7年多。难怪从申请经适房到摇号搿段辰光里，满心期待个宋余巧搭爱人总共跑了26趟翔泰苑。

记者留意了一下，从轻轨五号线北桥站步行到翔泰苑小区，大约摸10分钟，附近个公交线路也勿少。小区大门口个上海师大闵行实验幼儿园已启用，还有菜场、超市唠啥也距离勿远。

来自区房屋保障中心个统计数据显示，勒闵行区实际参加选房个456户家庭中，424户已经正式签约，其中399户已交房。目前，大部分业主正勒装修房子，勿长远侪会陆续住进新房。

还记得小时候，弄堂里阿婆的叮嘱、邻里间的家长里短，都裹着软糯的上海话，是刻进骨子里的亲切。如今，这份熟悉的乡音有了新舞台！

5月31日起，闵行区融媒体中心联合区委老干部局、区档案局推出《春申·讲好闲话之喇叭头里的乡音》沪语红色有声档案系列节目，邀请沪语播音员用地道上海闲话，为你播读新闵行成立30多年来那些具有时代代表性的新闻稿件。

关注“今日闵行”公众号、“今日闵行”App、闵行区广播电视台综合频率FM102.7，收听更多《喇叭头里的乡音》精彩内容。

下一期《喇叭头里的乡音》

我们不见不散~

编辑：林心怡

初审：陈依婷

复审：何婷婷

终审：刘垦博

转载请注明来自今日闵行官方微信