黄宗泽被蔡洁质问带人看演唱会！将第9次合作首尝做律师滋味

执法者们丨黄宗泽被蔡洁质问带“戴祖仪”睇G-Dragon
歎不争气收视未达标不用锡对方脚 将第9次合作首尝做律师滋味

黄宗泽（Bosco）、蔡洁、陈豪、陈滢、马国明等今晚（25日）出席《执法者们》大结局晚宴，曾扬言收视获得30点会亲吻拍档蔡洁的右腿的Bosco，笑言不争气未达到30点收视，所以不能锡对方。蔡洁即说：“续集囉！可以以孖生姊妹身份复活。”

不过Bosco表示跟蔡洁将会在新剧《风华背后》第九次合作，但今次并非演一对，反而有少少对立，又笑谓睇完剧本有少少嬲，因为蔡洁戏中要被人摸，自己就无份。

蔡洁闻言即说：“我未睇剧本，唔知会被人摸。”

谈到新戏的角色，Bosco笑言入行以来终于轮到他首次演律师角色，又毋需要打，但是对白很长，加上很多专业名词，正想办法如何记对白。

Bosco宁带女友睇Kenny .G不睇G-Dragon
另外，提到Bosco在马来西亚被拍与跟女伴欣赏G-Dragon演唱会，他笑说：“后面有十几人，淨係框住影我哋！边有人咁蠢带女仔睇演唱会，嗰度成万观众，起码有七千个女仔，我哋十几个朋友去睇，因为识主办方，嗰个女仔係普通朋友。”

问到蔡洁是否满意Bosco的解释，蔡洁笑说：“关我咩事！”Bosco即爆蔡洁传讯息给他，问为何带戴祖仪睇骚。他说：“佢话同戴祖仪睇骚，都唔同我睇！”

蔡洁即解释身边朋友也认同很似戴祖仪，Bocso搭嘴说：“如果係蔡洁好啲嘅。”Bosco笑言若然有女友的话，会带对方欣赏安静演唱会。他说：“係睇Kenny .G，而唔係G-Dragon。（如女友喜欢G-Dragon呢？）咪买张飞佢自己去睇囉！”

Bosco又指当日睇G-Dragon演唱会犹如盛事，谈到他当时可有练舞技？他说：“乐坛同舞坛都唔属于我，我都係返嚟影坛！嗰啲交返畀林峯，搞返张櫈。”

丁子朗于剧中的死亦引起了很大迴响，不少网民都觉得他死得很可惜，他接受访问时指要谢谢剧中妈妈韩玛利：“咁有我妈妈Mary姐好深情嘅演绎，令到我呢个死更加有意义，更加意难平囉。”

至于上星期丁子朗于鑽油台拍摄的一个场面亦是网民热议的话题，因为有一幕是他被抛到海上，但就被网民质疑是否真的抛他下海，他表示：“真係俾人掟落海嘅，喺一个山东嘅一个外海嗰度，咁就係都几惊险，我觉得人生试一次就够啦。（係点样掟嘅？）因为其实佢係扶起我个人，跟住掟出去公海嗰度，跨过个栏嗰阵已经有离心力，佢掟完出去再向下垂，咁跌落去个海入面，咁所以係有啲难度。

呢个真係个抛物线咁抛出去，咁就算有威也，但係个抛物线嗰个离心力都係真㗎。”绝对能解释到为何网民的质疑，其实一切都全靠威也来保护性命。

《执法者们》播完后，丁子朗亦有另一套剧集即将上映，就是他说了很久的内地剧集《博忆》：“期待咗好耐嘅一套戏！就係同霍建华老师一齐拍嘅一套叫《博忆》嘅电视剧。”

丁子朗被问到现今是否少了很多剧集拍摄及其影响时，他指的确是少了很多：“TVB嘅剧就的确少咗嘅，咁放眼世界呢个世界，唔係淨係得敞台，有好大嘅世界。”