TVB编剧快醒神！娃哈哈千金商战大片，现成溏心风暴续集剧本啊！

喂！TVB嘅编剧大大们，唔好再“躺平”啦！人哋娃哈哈大小姐嘅真实豪门风云，简直就系一出活生生嘅《溏心风暴》续集，仲劲过你哋啲剧本！

花生友（吃瓜群众）我都忍唔住帮你们脑补咗开头，速速嚟抄功课啦！

【第一幕：法院争产，墨镜定乾坤！】
（场景：法院门口，记者多过蚁！）

• 左边豪车列阵！大小姐（墨镜+红唇，气场全开）独自下车，女王驾临！
• 右边车队杀到！“二太”带住几位“二房子女”压阵，后车仲有“叔父”同“嫲嫲”，阵仗十足！
• 叔父即刻发难：“冇阴功！老豆尸骨未寒，你就抢细佬妹啲身家？！”
• 大小姐（慢动作除墨镜，嘴角冷笑）：“细佬妹？边位啊？同我老豆验过DNA未？”（记者闪光灯疯狂闪烁！）
• 记者围攻：“大小姐！佢哋唔系亲生嘅？？？”
• 大小姐（眼神如刀）：“讲笑咩！同老豆冇血缘关系！钙奶江山，我话晒事！”（背景音效：戏剧性转折！）
• “二太”&“嫲嫲”（捂心口）：“顶…顶唔顺…”（应声“晕低”）
• “二房子女”（扶人怒吼）：“你等着！属于我哋嘅，一定攞返！”（请自动脑补咆哮演技）

镜头突然一转，闪回40年前广州：

• 年轻嘅老宗喺学校门口踩三轮车送货，被保安嫌弃驱赶。
• 佢卑微陪笑，远处冲嚟个小炮仗：“爸爸！食饭啦！”（6岁小莉莉萌力爆棚！）
• 老宗揽住女，眼湿湿：“乖女！老豆捱生捱死都要为你打江山！”（此处应有温情BGM铺垫）

【第二幕：白莲心机，死敌突袭！】
（画面：时光飞逝，校办厂变身钙奶王国，移民到香港！）

• 14岁莉莉被送去外国读书，亲妈依依不舍。老宗拍心口保证：“放心！总助杜圆圆陪读，实冇走鸡！”
• 机场送别，杜圆圆（回眸一笑）向老宗递咗个意味深长嘅眼神...（观众内心：咦？有古仔？）

镜头切返而家法庭：

• 原告席杀出程咬金——娃多多死敌“一心集团”廖山山！（自带奸角气场，这个可以让老戏骨李成昌出演）
• 杜圆圆竟然同对头联手？！莉莉当场震怒：“廖山山！当年老豆收留你哩只落水狗，提携你！良心俾狗食咗？！”
• 廖山山（歪嘴冷笑）：“哎～我做人，最讲‘公道’㗎！都系老宗嘅仔女，圆圆仲‘捱更抵夜’陪你留学添！身家，梗系要平分啦！法官大人你话系吗？”（阴阳怪气十级）
• 莉莉姨妈“莎姨”拍枱暴起：“我呸！‘照顾’？杜圆圆哩只狐狸J！喺外国氹莉莉买名牌、打机、逃学！仲搵男仔沟佢！想养废我姨甥女！毒过蛇啊！”（口水花四溅）
• “二房子女”（跳起）：“你讲乜！你讲乜！#%￥&@...”
• 莎姨（火力全开）：“闹你哋啊！死狐狸J！二奶仔#%￥&...”（法庭瞬间变街市）
• 法官（头痕）：“肃静！再嘈告你哋藐视法庭！”
• 亲妈珍珍（声泪俱下）：“法官大人啊...我同老宗当年...”（回忆杀BGM响起）

【除佐上面哋，仲有劲爆补充 & 灵魂呼唤！】

1. 惊天反转必须坐实！二奶啲仔女根本唔系老宗嘅种！系佢细佬嘅！（参考《家族荣耀》罗仲谦司机桥段！）老宗临死先知，宠咗几十年嘅“乖仔”系顶绿帽！当场激到吐血身亡，死唔眼闭！（此处需要欧阳震华/夏雨级老戏骨上演影帝级“悔恨断气戏”！）
2. 舆论战三连击！《创世纪》玩股票过三关，《钙奶风暴》必须玩“热搜三连爆”！网民食瓜食到滞，股价上上落落！唔搵娃哈哈冠名都对不起个热度！
3. 选角我撑佢哋！大小姐人选：高海宁（冷艳霸气）、胡杏儿（坚韧硬净）、佘诗曼（气场慑人）、杨怡（黑化无需眼线）！林淑敏（龙力莲的小姐真的很适合去争产）个个都打得！
4. OST女王冇得走！关菊英！关菊英！关菊英！重要事情讲三次！冇佢唱主题曲嘅豪门剧冇灵魂！
5. 台庆剧锁定！而家开拍，赶上台庆，实横扫“最佳剧集”、“最佳女主角”、“最受欢迎电视歌曲”... 攞奖攞到手软！

【点解一定要TVB？内娱唔得咩？】

有人话：“剧本咁爆，俾内地拍啦！收视实爆灯！”

我：得啖笑！内娱拍得出真·大女主？佢哋嘅大女主唔系“完美假人”，就系最后要霸总打救！TVB嘅大女主，系人！有野心有手段，会跌倒会爬起，笑住捅刀喊住疗伤！巾帼的九姑娘、新闻女王的man姐，陀枪师姐的三元... 边个唔系有血有肉？

《千金归来》嗰类？咪搞！又长又臭，狗血乱炖加玛丽苏！我哋要嘅系快狠准嘅港式狗血，系家族撕X中嘅女性智慧同人性挣扎！哩种风味，得TVB先煲得出嚟！

所以！TVB！唔好再装瞓！《钙奶风暴》嘅剧本同热搜送到嘴边啦！快啲！开机！Action！全港师奶等住食花生（睇戏）啊！