河南
最近有媒体称
喺唱片公司嘅撮合下
过气男子偶像组合F4
将喺明年举行合体演唱会
更有可能跑亚洲巡演添
消息一出
一批“流星粉”兴奋
大嗌“我嘅青春要翻嚟啦”
F4由言承旭、朱孝天、
周渝民、吴建豪四人组成
2001年佢哋因为合演
偶像剧《流星花园》被大家熟悉
喺剧中
佢哋以F4抱团称霸校园
因为超级有钱又靓仔
成为校园风云人物
原本依仗自己嘅人气
佢哋花花咈咈
经常周围撩事斗非
直到由大S饰演的杉菜出现
四人渐渐变成温暖专情嘅男神
成为“九亿少女的梦”
因为《流星花园》的成功
F4四个长发飘飘嘅少年
喺现实中都人气暴涨
一夜火遍亚洲
经纪公司即刻食住个势
带佢哋以四人组合形式
开展亚洲巡演
又为佢哋接下各式广告代言
洗头水、饮料、手机等
就连小商家、自营小店
都抓住佢哋嘅流量
自制各种周边小商品盈利
2001−2008年期间
佢哋举行超过40场演出
场场爆满
风头一时无两
但喺2008年一场海外show后
佢哋就突然销声匿迹
冇再合体登台过
歌迷粉丝苦等5年
喺2013年一场卫视贺年晚会上
F4世纪大同框
默契穿上红色系列西装
合体再唱《流星雨》
引发歌迷泪目
事隔7年
喺2020年嘅时候
卫视想再次为歌迷呈献
“青春的歌”
邀请F4四人同台
但到咗舞台当晚
组合中3人以档期等理由
未能亲身到现场
只有吴建豪一人
亲自企咗喺呢个舞台上
主办方费尽心思
为另外3人制作全息投影形象
令观众透过屏幕
见到自己嘅“青春”
尽管通过科技手段
实现咗大家嘅梦想
但谂起舞台上
只有F4之一吴建豪
大家都不禁唏嘘、觉得遗憾
粉丝当然希望F4可以再合体
但近几年，
组合成员都有各自的发展
要合体实在係唔容易
言承旭&吴建豪
参加内娱综艺
凭着过往积累嘅人气
加上目前状态在线
收获超高人气
年纪最细嘅“仔仔”周渝民
虽然为人比较低调寡言
但喺影视行业一直有作品
人气都不减当年
喺组合中发展唔太出彩嘅
朱孝天成家立室后转战内地
通过直播带货、探店等形式
keep住自己嘅曝光度
F4将合体开show嘅
消息一传出嚟
歌迷粉丝都好激动
但一直未有官方消息确认
寻日
仔仔现身为新戏做宣传
被问及合体演唱会一事
原本开心倾新戏嘅仔仔
即刻收敛笑容
佢话每年都有人揾佢哋
倾合体演出嘅事宜
佢都好希望成事
但呢件事要有规划
唔要单纯为咗赚钱而做
仔仔嘅呢波回应意味深长
原本大家以为佢会係
组合中最唔想合体嘅成员
但佢表明自己希望成事
而嗰句“单纯想赚钱就不要”
更係引发咗网民嘅猜想
究竟係边个想利用F4赚钱
F4迟迟未能成功合体
肯定有原因嘅
▓▓▓▓▓▓▓▓▓▓▓░░░░努力加载中……
除咗仔仔之外
F4其余三位成员都未有回应
根据售票平台嘅信息
大家发现朱孝天最近
正在举行自己嘅个人巡演
之前朱孝天曾经表示
自己同F4其余成员
just同事关系
有网友仲担心
依家科技咁发达
主办最后如果请唔晒四个人
会唔会搞啲AI合体嚟敷衍大家
毕竟全息投影都试过了
其实咁多年过去了
大家是否还期待F4合体呢
佢哋嘅作品中
边一首最能击中你嘅心咧
靓show开售
Mr.轻狂岁月音乐会
珠海站
经历过高低起跌
佢哋更加珍惜彼此
第三首新歌《我总会愿意》
制作已进入尾声
6月14日珠海MAO LIVEHOUSE
一起摇摆好吗
即刻上可乐生活官方号抢飞啦
潮物推荐
精彩回看·吃喝玩乐
钱包大瘦身！动漫发烧友聚会新花式，居然是一起去睇show
去“吃谷”啦！广州必扫三个动漫胜地，逛、玩、拍、买“一条龙”体验劲爽！
味觉要癫！“臭芝士”、风油精、芫茜统通都变成零食，人类味觉底线在哪里？
救命！“窿窿鞋”会拉丝、“竹篮”打水好饱肚、龟苓膏真係配乌龟……广州呢啲奇奇怪怪嘅美食，你有冇食过？
贴贴、投喂、热吻……“细细粒”带你享受“海洋公主”级待遇
邓紫棋预先踩场？“巨肺小天后”即将再度开show，启德主场馆周围吃喝玩乐攻略mark定先～
资料来源：微博、小红书、剧照等
网络信息综合整理
编辑：郭 玮
一审：曾敏妍
二审：董华海
三审：骆 苹
【微店】羊晚文创线上商店
【淘宝】羊晚生活
【小红书】Color班马
都可以买到《可乐生活》
羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！
微信公众号、微博、微信视频号、喜马拉雅@可乐生活Color
哗哩哗哩、小红书 @Color班马
@可乐生活
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
