广东
TVB年度盛事《万千星辉颁奖典礼2024》日前（19/1）在澳门圆满落幕，所有奖项经已尘埃落定。最瞩目的视帝视后由张振朗及龚嘉欣爆冷击败大热杨茜尧夺视后，网上惹起热议，有网民在TVB官方社交网疯狂派嬲，数目多达2000个。赛后龚嘉欣回应被指爆冷夺视后，坦言并没有不开心：“我冇谂太多，每一个角色都当最后一次去做，我尽咗力。”
曾志伟大爆以前有倾奖呢样嘢。（叶志明摄）
曾志伟今日（21/1）现身电视城出席《乙已年吉星高照年初一》节目录影。对于有网民不满《万千星辉颁奖典礼2024》赛果，直指无线内定。曾志伟接受《香港01》访问时表示：“无一个赛果系令到大家满意，但可以话俾你听呢个结果绝对公正，因为今年完全系遵从网民嘅投票，及我哋嘅同事嘅投票。有一两个人可能攞出嚟讨论，咁我哋又唔想就一两个人，而令到个赛果突然好似我哋系内定，就被攞出嚟讨论。咁所以近乎所有嘅赛果，都系网民嘅投票，佢哋票数高我哋就俾。”
曾志伟明白每年颁奖礼之后，一定会有不同声音。（叶志明摄）
曾志伟续说：“好似林景程咁，当听到佢攞奖嘅时候，好多人都喊咗出嚟。就好似以前旧规矩公司都唔会俾我，又或者我哋年纪大，都系由后生攞。但我想讲今年系好公正。我哋成日都话我哋公司冇秘密，因为好多嘢都能够泄露出去，都可能令其他艺人会觉得公司都内定咗。咁所以以前都会出现续约会倾条件，可能会话‘我续约，你系咪俾个视帝我’又或者俾个视后同男配角咁，变咗而家知道唔使讲条件，因为每一个人都凭实力，希望呢一样嘢能够令到我哋每个艺人好似金像奖咁样，每个攞到，都觉得实至名归。（倾奖呢样嘢以前确实系有发生过？）以前一定有。（而家冇得倾？）咁又唔系冇，我哋话俾你听都冇用，因为我哋嘅评审制度已经决定观众同埋喺同事入面。咁不如俾啲心机同同事相处好啲，又或者同啲观众或影迷，大家拉好啲关系等佢哋投自己多啲票咁咪仲好。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
