说真的，小编第一次去香港茶餐厅，听到餐厅伙计下单完全听不懂。“ 究竟讲紧D乜啊？ ”
不过讲到香港饮食，首先肯定会想起茶餐厅，价钱亲民，贴地气，最紧要係快！，港式茶餐厅唔单止充盈香港文化，而其中仲藏有好多奥秘同规矩
例如要迎合香港嘅快节奏生活，港式茶餐厅为咗通俗易记，省时方便，行业内“发明”咗唔少餐厅嘅，「专属暗语」，例如以下呢啲暗语唔知你有无听过呢？或者係港剧入面见过呢？
名词篇
01「靓仔」- 白饭，「靓女」- 白粥
因为白饭干净讨好，唔添加任何色素，睇似干净秀气嘅男仔，所以被称为「靓仔」。而「靓女」就係由靓仔衍生出嚟嘅。
02，「生春」- 太阳蛋，「孖春」- 双蛋
03，「细蓉」- 云吞面
细蓉即系广东所讲嘅云吞面，区别于细蓉係面盖云吞，云吞面係云吞盖面。
04，「凉茶」- 特指冻奶茶
凉茶一般係指香港人钟意饮嘅奶茶，而且特指冻奶茶。
05，「捞丁」- 加料方便面
“捞”係“搅拌”嘅意思，而“丁”就係指日清拉面牌嘅“出前一丁”，“捞丁”即係将食物配料与出前一丁再加上酱汁搅拌而成嘅菜式。
香港仲有“汤丁”（用香港土产“公仔面”），“餐蛋面”（午餐肉鸡蛋方便面）
06，「柠宾」- 柠檬加利宾纳
利宾纳（Ribena）係一种黑加仑汁饮料，香港人最钟意加入柠檬饮用~可以讲係港人独创。
动词篇
01，「底」代表主食，碟头饭嘅「底」指饭，三文治嘅「底」指面包
「加底」，饭/面量加大
「扣底」，饭/面量减少
「双扣」，饭菜都减少
「炒底」，白饭变炒饭
「烘底」，经烘烤嘅面包
02，「加色」，加牛腩汁/豉油
香港人钟意喺粉面饭上加上少许牛腩汁，令到味道更香浓。一般牛腩汁嘅颜色比较深，因此被称为“加色”。
03，「戴帽」，加只煎蛋
而有D香港人就钟意喺碟头饭上面加只煎蛋。
04，「爆雪」，加冰
香港茶餐厅嘅饮品一般都係以热饮为计价标准的，如果想饮冻嘅就要喺原价嘅基础上加收几蚊，而要求加冰嘅动作则被他们非常形象地称之为“爆雪”！
05，「甩色」，柠檬水
通常会同“柠茶”连用。
“两柠茶一甩色”，意思係一杯柠檬茶一杯柠檬水，因为柠檬茶係有颜色嘅，而柠檬水係透明嘅。（香港茶餐厅伙计常叫法）
06，「走」
热饮用炼奶代替淡奶，「茶走」
减少奶茶中砂糖和淡奶而加入炼奶，「啡走」，「鸯走」，「华田走」
07，「飞沙走奶」，表示走糖同走奶嘅咖啡
即系我哋口中讲嘅斋啡。
08，「走青」，走调味菜
喺粥同汤粉麪方面，一般都会有葱花芫茜呢啲调味菜洒喺面头。唔钟意食呢啲调味菜嘅客人可以喺落单时要求「走青」。
简单记忆小暗语
01，「田」，阿华田，「冻田」，冻阿华田
02，「可立」，好立克，「冻力」，冻好立克
03，“0”粤语同音“柠”，T係指Tea，「0T」，「0T」
柠檬红茶，冻柠檬茶，「07」，「C07」
柠檬七喜，冻柠檬七喜，「06」，「C06」
柠檬可乐，冻柠檬可乐
04，「下火」，皮蛋瘦肉粥
05，「打烂」，炒饭
06，「拦住」，旦治/鸡蛋三文治
07，「蛋河」，鱼蛋河粉
08，「飞边」，去面包皮
09，「例水」，例汤
伙计专用篇
01，「打河」，分菜
厨师叫夥计按单将菜分到指定嘅餐具入面
02，「打CAT」，偷食
可能係受“为食猫”嘅影响，钟意用"CAT"嚟形容
03，「卖菜」，传菜
叫伙计将D整好嘅菜送到客人面前。
04，「堕马」，无翻工
因为香港人钟意跑马，所以用"堕马"嚟形容伙计请假无翻工非常贴近生活。
05，「行街」，外卖
香港大部分茶餐厅都设有外卖嘅服务，所以伙计出去送外卖被戏称为"行街"
06，「后数」，后面人比钱
香港地坐小巴会经常听到乘客叫“司机，后数”。而茶餐厅都一样，如果同围台仲有人未走未比钱，则最后走嘅人比钱。
07，「走数」，霸王餐
如果有人食完嘢唔比钱，就即係食霸王餐，"走数"
08，「常餐（set餐）」
茶餐厅必备的一种套餐餐单，全天供应，长期不变。
常见嘅选择：一，牛油方包或多士(即吐司)；二，火腿奄列或煎双蛋(多为太阳蛋)；三，一碗面类(可选方便面、米粉、通心粉等)加一至两种食物(如午餐肉、香肠、叉烧等)，再另配一杯饮料。
另外仲有：早餐，午餐，常餐，ABCD餐，香港茶餐厅D暗语肯定唔止咁少啦，博大精深到一时半日都讲唔晒
係啦，食完之后提醒下
港式茶餐厅通常都係要“自己”结账，唔刷卡、拒收大钞、唔要五毫纸以下嘅散纸
无错就係咁任性~
不过香港嘅茶餐厅唔单止大件夹抵食，而且处处留有人情味，更有一种属于香港嘅精神係入面
你喜欢去香港茶餐厅吗?
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
