广东
分享至
陸詩韻（Sharon）是2005年港姐亞季，淡出幕前後積極發展事業，2009年決定轉行從商，曾經營內衣、餐飲及美容生意，更榮升「2025年大灣區香港女企業家總會」副主席，成功轉型為企業主。
感情事被動：唔想嘥時間
陸詩韻昨日（14日）現身新蒲崗出席保良局齋宴。對於感情生活，陸詩韻接受《香港01》訪問時透露自己已單身五年，她坦然表示：「其實我而家就更加隨遇而安咗，我覺得始終都係貫徹始終男士應該主動啲，因為我係一個好唔主動嘅人嚟嘅。同埋我寧缺勿濫，我要一擊即中，唔想嘥時間，因為我未必可以經歷到再唔開心嘅事。」
陸詩韻出席保良局齋宴。（吳子生攝）
陸詩韻狀態大勇。（吳子生攝）
承認有男士埋身
被問到這5年間有否被男士追求，陸詩韻表示：「當中係有啲了解吓，然後又覺得唔係咁啱做返朋友，不過可能係冇一個令我覺得可以行得長久嘅男仔。（而家冇一見鍾情？）好難，因為當一個人長大咗之後，唔多唔少都會有比較，可能覺得有啲嘢自己都做到，變咗都唔需要另一半去符合，不過都要睇對嗰個人嘅感覺係點。」
陸詩韻表示未遇到一個令佢覺得可以行得長久嘅男仔。（吳子生攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
