前TVB花旦直言连皱眉都做不到：奉劝做演员最好不要打

前TVB花旦黄淑仪（Gigi）早前接受YouTube频道「徐蓉蓉文化工作室」访谈节目《蓉蓉细语》访问，Gigi姐跟主持人徐蓉蓉（徐姐）相识数十年，两人惺惺相识，Gigi姐欣赏徐姐执笔之毅，徐姐佩服Gigi姐厨艺超群，互相交流生活之乐，话题不尽。

《蓉蓉细语》访问黄淑仪的第二集，亦已于12月27日（六）上架，这集内容同样精彩，Gigi姐与徐姐分享多年来在健康、养生与生活习惯上的真实经历。Gigi姐谈到脚部手术后被水肿问题困扰，想减肥却怪自己没恒心，「做完手术后，膝头好肿胀，行路有啲吃力，大家都叫我减肥，减咗会冇咁辛苦，但我钟意煮嘢食，煮完又要试食，人哋见到你煮完自己都唔食，变咗唔能够说服人，不过食得多好难控制（体重），加上新陈代谢又慢，仲要冇恒心做运动。」

不过徐姐却发现Gigi姐近期清减了，原来因Gigi姐经常低头工作，姿势不正确而颈后积蓄脂肪形成「富贵包」，带来肩颈痛与失眠，最终要借助看中医去针灸和排毒，反而令水肿问题有所改善，「喺广州见到个医生，佢话『你个富贵包咁大，我可以帮到你』，呢句说话好紧要，我喺香港曾经见过物理治疗师，做过类似针灸同电疗，每次千几蚊，睇咗10次后，最后话帮到我呢度，叫我自己攞住皮带箍住『富贵包』做啲运动，早讲我唔使用咗万几蚊啦！今次去广州见医师，排咗毒去水肿，拔咗啲脂肪瘀血出嚟！」

Gigi姐又提到丈夫徐景清医生虽然是西医，不但不会抗拒中医，还对中医有一定研究，「佢家系用Botox（肉毒杆菌）嚟医病，佢都有研究中医边度系有咩穴位，嚿肌肉喺边度，应该喺边度打呢个针。」

讲到Botox，Gigi姐透露当年丈夫徐景清医生获UBC大学（加拿大英属哥伦比亚大学）邀请，为Botox（肉毒杆菌）进行医学研究，「讲起Botox系我先生最早用嚟医病，啲人话唔系㖞，Botox系美容针，其实系错㗎！1985年UBC请我先生去研究医学、教学生，用Botox嚟医病，医有关神经唔受控制，即系脊椎神经有关嘅病，即系柏金逊同认知障碍嗰类。」

Gigi姐又解释Botox原本是用作医治神经不受控制，但意外被发现去皱纹的美容神效，「打完嗰个药就系收缩个神经末梢，等佢掂唔到啲肌肉同皮肤就唔会震，笑起上嚟掂唔到皮肤同肌肉，冇郁到咪冇皱纹啰，我哋皱眉啲皱纹就出晒嚟，如果打咗Botox冇郁到啲肌肉冇皱纹，啲病人就话徐医生唔该你同我打埋另一边，系脑科大会度公布咗后，好多人攞咗嚟做美容针。」

Gigi姐当初也因为好奇，曾经试过打Botox，但试后即怕怕，还以亲身体验奉劝所有演员使用Botox要格外小心，「严格嚟讲，做演员绝对唔打得，我想做个表情，想皱眉都做唔到，你点努力都冇用啦！2002年左右，我就唔抵得，打过针等我唔使皱眉，但系打完真系皱极都皱唔到条眉，点样做表情都冇，我就话死啰，好彩嗰时唔使拍嘢啫，如果拍嘢咁样点算呀，所以我都奉劝做演员，想表达到自己情绪，表达到自己嘅演技嘅话，最好唔好打Botox！」