广东
歌手菊梓乔（Hana）今日（16日）在尖沙咀酒吧街举行庆生歌迷聚会，约100名歌迷出席，穿上最爱绿色套装的她接受访问时表示已多年没有搞歌迷聚会，并非因她少在港，而是不识懂策划，加上没有仪式感，连生日也不会庆祝，今次亦多得朋友帮忙任搞手。
11月24日就是39岁生日，她谓是最后1年3字头的年纪，明年就“20对（即40岁）”，虽然今年发生不少事，但过得开心。问到生日愿望，她说：“身体健康，开开心心，青春美丽，搵好多好多钱，想买楼，买好多嘢啰。正日生日我要去韶关出席开幕礼，到时会唱首由音乐人邓智伟写嘅新歌。（陈百祥话之前你帮佢足球队唱歌，令你有好多登台机会？）冇呀，都系好耐嘅事。”
菊梓乔搞生日会。
3字头最后1年。
问到可想结婚？Hana愕然问：“冇啦啦提咩结婚？人哋话30岁前结婚，我都过咗啦，我冇谂过呢啲嘢，车边都掹唔到。（绯闻男友保锜早前喺活动上隔空为你唱生日歌？）我零睇新闻，Sorry，都冇人send畀我，唔觉得感动，但系开心祝福，其实唱生日歌又冇生日礼物都好奇怪。（想收咩生日礼物？）现金就得，因为未必知我锺意乜，费事浪费金钱，试过有粉丝送有泳儿或李幸倪名嘅fans club纪念品畀我，我话唔想收，好好笑。开心今日好多人嚟支持，同埋开心年年生日都有工作，可以和同事过，但生日工作唔会加价。
”Hana多次强调希望年年生日有工开，问是否等钱使？她谓：“咁边个养自己？（欠缺乜唔拍拖？）欠缺金钱，有钱先可以照顾对方。（唔想搵人照顾？）如果生活所需喺对方身上攞，压力会好大，我觉得自己好有能力先畀到幸福人，我由细到大冇习惯被照顾。（系咪遇过唔好嘅对象，所以觉得要靠自己？）一定系，我遇过好多，约5个度，真系吓亲。（唔公开恋情？）畀到幸福人先啦。（依家有冇拍拖啫？）我唔急住做任何嘢。（你单身？）依家我系好开心，唔想搞到人。大家成日提嗰个人又系同行，唔好影响所有嘢。（正日生日保锜有冇约你食饭？）冇人约，我本身唔锺意庆祝生日，但生日前后都有人约，不过大家唔识嘅。（系咪因为保锜喺屋企？）我同妹，仲有猫狗住。”
提到结婚，她直指早已过适婚年纪。
对保锜隔空唱生日歌，她表示不觉感动。
问到感情状况语带保留。
生日正日不会与保锜过。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
