香港
罗家英四度患癌首爆性慾全失逾4年因切走一部位
花光积蓄治病“汪明荃冇帮过手”：佢冇讲过要帮
现年78岁的罗家英今年5月受访时表示自己四度患癌，震惊娱乐圈。罗家英曾于2004年确诊肝癌第3期，一度需要切肝保命，其后再于2014年发现肝脏有肿瘤，康复后，2019年罗家英的前列腺组织发现癌细胞，其后再切除并康复。
直至今年5月，罗家英接受内地媒体访问时透露第四次患癌。
罗家英前列腺癌复发：我唔係唔医
近日罗家英接受好友查小欣的YouTube频道“红查馆”访问，大谈四度患癌的心路历程，以及今次患癌的身体状况。罗家英在接受内地传媒访问时，表示自己前列腺癌复发，表明不再接受化疗及电疗，后来被指“放弃治疗”。
罗家英在接受查小欣访问时澄清放弃治疗的说法。
罗家英说：“我唔係唔医，佢就唔係咁样医，我就去检查咗，用嗰个同位素，照到我腹腔盘腔，有一点点一点点咁样，得10粒8粒。以前嘅肝（肝癌时）就照出嚟有粒荔枝喺度，即係一粒荔枝咁大粒嘅嘢，喺个肝度，咁就切咗佢，冇嘢，唔使惊，唔使治疗，呢个係04年嘅。”
罗家英：咁多粒喺度切唔到
他续说：“14年嘅就係呢边，又嚟多个荔枝，又喺度，唔係复发，係另外一个地方再生一粒。好！切咗又冇嘢。”
罗家英指，直至2019年他发现自己前列腺组织有癌细胞时同样用手术切除方式治疗，他说：“咁我就前列腺，前列腺（肿瘤）切除咗啦，切除晒前列腺啦，验过报告都係冇事嘅，点知佢有啲嘢潜伏咗喺深处，係未曾成形，佢自己慢慢成形，到依家成咗形啦，咁先知道。”
家英哥指，今次前列腺癌复发是潜伏的癌细胞，“佢有成咁多粒喺度，係切唔到，亦唔知点医，医生话得一个方法，就係打女性荷尔蒙，打咗之后就係会压住佢，唔俾佢发展，因为癌细胞係好慢，医生话大概係8年左右，你等佢一路揿住佢，唔係消灭佢，唔係医治佢，係等佢平和，但8年之后就压唔住㗎啦。咁压唔住要点，就要电疗同化疗。咁我就话，既然咁样，我今年79岁，8年之后我都八十几岁，电疗化疗之后，你俾多三年我，咁我嗰时都人唔人鬼唔鬼啦。”
他更笑言：“咁呢个人生有咩用啫？咁我话咁仲好，我就决定唔会再电疗，唔会再化疗。”
罗家英从未买保险
人生买度患癌的罗家英，指自己因为治疗癌症而花光积蓄，他说：“第二次（患癌）我一啲都唔惊，我问医生咁点啊？（佢话）照割囉，我就话照割囉，割，最紧要一样嘢係，你有冇钱？”
原来家英哥从来未买过保险，“我唔信保险，但我有储埋储埋，咁我以前都知道，我冇保险，我一定要有积蓄，咁咪使咗佢囉，第二次我又用晒啲积蓄。”
查小欣问他老婆汪明荃有没有帮忙，家英哥说：“我冇叫过老婆帮我，我唔使佢帮，千其唔好同佢讲呢样嘢，佢亦都冇讲过话帮，佢知道我有，（同埋你啲性格唔俾人帮）唔係，如果佢愿意帮我，我都好乐意嘅。”
罗家英2019年切前列腺后性慾全失
罗家英早前曾公开表示，自己正在接受治疗，需要注射女性荷尔蒙压制癌细胞，令他身体出现变化。
他说：“变得虚弱了，好容易犯困，好攰，好唔锺意讲嘢，真的好唔锺意被访问，好唔锺意被访问，因为访问不停讲嘢，但我觉得你平时好锺意讲嘢，讲自己啲事，自己有咩好讲。我嘅前列腺被切除之后，我个人定咗，淡咗，对于色字，（性慾淡咗？）冇晒，仲打咗女性荷尔蒙添，更加冇，惯咗，已经4至5年。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
