黄宗泽亲解郭柏妍冇乜智慧？反指係优点：女人太聪明未必係好事

黄宗泽亲解郭柏妍冇乜智慧？　反指係优点：女人太聪明未必係好事

邵氏剧集《执法者们》日前（25日）于尖沙咀一酒家举办大结局晚宴，剧中主要演员都有出席，包括有黄宗泽、丁子朗、马国明、陈滢、陈豪、吴启华及蔡洁，作为监制乐易玲当然亦有出席。

剧中主角黄宗泽早前宣传时曾指港姐郭柏妍“冇乜智慧”，他接受《香港01》访问时笑指因为她是刚入行不久，而且是第一次跟他合作：“佢乜都唔识戆居居咁样，跟住佢个人又好大矇，跟住我识佢经理人嘅，经理人成日话佢揸车又行错路，我哋咁笑佢啫。”

黄宗泽直指其实没智慧亦是一个优点，因为“女人太聪明未必係好事”。

提到早前蔡洁曾指黄宗泽不带同她一起去马来西亚看演唱会时，黄宗泽即表示：“几难买啊嗰啲演唱会票！”他更指幸好有马来西亚的朋友帮忙买到票，因为坊间太多“黄牛”。

至于当日看演唱会时有一位女士站在黄宗泽身边，二人亦有“密卙”，以致被指是其女友，他听完后即笑指：“我哋十几人去，佢偏偏只係讲嗰个，仲有嗰度成万个观众，我心谂嗰度应该有七千个係女仔，我有女朋友仲会带去，傻㗎？”对于因为只与该名女士聊天，他则指因为当日演唱会是企位没有划位，所以其他朋友都四处走来走去，才会见到只与该女士聊天。

黄宗泽指朋友见到报道出街后都“得啖笑”，因为他们还有很多人一起，被问到朋友有没有觉得很荣幸能当“黄宗泽女朋友”时，他即笑指被朋友嫌弃：“趷我添啦！早知唔企你隔离啦！”

对于影视业迎来“寒冬”，热心人黄宗泽其实于过去亦曾施予援手，对此他表示自己早前都有与幕后聊天：“都知大家都未必够工开啦，首先我哋邵氏好快又开部大戏啦，咁大家有工开啦，大家开心啦。咁你话到投唔投资，如果有幸我可以参与到，我都希望出一分力啦，即係能够出力就出力啦。

（寒冬对你自己有冇影响？）我谂每一个人都有影响，即係唔单止我，即係可能大家戏又开少咗啦，咁或者而家係开一部戏係好难啊，即係好困难先开到一部戏。”

他表示希望藉著《执法者们》的好收视令投资者对港剧有信心，从而为大家增加工作机会。

除了影视业，其实整个大环境都是处于“寒冬时期”，不管是零售业还是饮食业，自己有开餐厅的黄宗泽都大呻“每个月都蚀钱”：“撑到几耐咪几耐囉。（蚀几多位数？）蚀几多位数就唔好提啦！”

被问到有否想到什麽方法自救，他坦言“搞多啲唔同嘅元素”，他会于餐厅中办多一点的活动：“我哋有啲请啲人嚟busking，引人嚟听下歌，畀啲唔同嘅用餐嘅经验，或者礼拜六日，因为有户外outdoor，睇下可以搞下啲pet friendly，我哋又会做一啲宠物嘅零食送畀宠物食，希望大家带多啲宠物嚟晒晒太阳，饮下午茶。”