十亿驸马剖白涉嫌抄歌事件，淡看网民乜都闹唔使负责任：呢啲系命

乐队Mr.前主音布志纶（Alan ）2014年同拍拖4年兼家族坐拥十亿身家的富家女Sally（陈雪莹）拉埋天窗，并被冠以“十亿驸马”称号。布志纶日前到新城广播接受梁兆辉（Brian）主持的节目《One Music Corner壹角乐》录音访问，畅谈从Mr.到个人发展的音乐历程，并分享新歌《要迟少少》的创作理念。

布志纶老婆家族经营玩具生意，身家估计有10亿港币。

布志纶2014年跟拍拖4年、家族坐拥十亿身家的富家女SALLY结婚，便被冠以十亿驸马称号。（VCG）

Alan以乐队Mr.主唱身份为人熟悉，2008年出道后迅速走红，回忆当年，Alan坦言乐队时代因为不停交歌，创作压力巨大，如今以个人身份发展八年，他更享受自主创作的自由度，新歌《要迟少少》以口语化歌词贴近生活，他说：“有时你真系计划唔到太多嘢，中途会发生好多事同阻碍，所以有呢首歌嘅出现。”

布志纶以个人身份发展八年。

节目中，Alan与主持人探讨了当代乐队文化的变迁，他感慨现今音乐制作趋向数位化，年轻人多以软件编曲，少了实体“夹Band”的互动：“以前啲乐队声音独特，因为系真正‘撞’出嚟嘅化学作用。”但他也认为时代不同，无需过份执著，并以开放态度看待新世代的创作方式。

提及过往Mr.的作品《Mr. Tam》被指抄袭美国著名摇滚乐队Bon Jovi歌曲《It's my life》，Alan娓娓道来：“当时老板要我哋快手整只歌同校长（谭咏麟）合唱，呢只歌系我再早期嘅一只歌，同Dash同另外两个队友夹Band时嘅一只歌的歌词同曲风，然后就谂唔到，我就喺录音室哼个旋律出嚟….我冇可能冇听过《It's my life》，但我哼咗旋律出嚟，大家又冇反应，大家话go ahead，咁就是但啦！同埋只歌系突然间落指令….有人问我会唔会后悔？我冇得后悔，因为当呢啲指令落到嚟，第一个要做嘢就系我，如果唔系就冇人处理呢啲嘢。”他续说：“我要后悔嘅话，就唔好成日行头做‘冲锋车’个，学吓缩喺后面。”

布志纶主动重提Mr.另一首《零时起哄》被指抄袭。

Alan又主动重提Mr.另一首《零时起哄》被指抄袭，他称：“本来我想整首慢歌，公司又要求做快版，其中一句畀网民捉到话似，我听都未听过，但又系似㖞，咁我就开始信命喇！去到十几年后，估唔到仲有人讲呢样嘢，真系睇你自己心态，喺五、六年前我一定会拗，唔系拗有定冇，全世界都有呢啲事发生，你哋咁钟意闹嘅？我依家心谂你要闹咪闹啰，冇辧法，所以一定要调整自己心态，同埋2010年我哋系第一批受到网络上唔需要负责任嘅评论，呢啲系命！”

而Mr.的一班旧队友，早前用Mr.名义，以独立乐团推出唱片，问Alan有何感受？他淡然表示：“我觉得点都系好事，当年大家都平衡到自己谂法，喺最开心时，点会谂到会分开？唔同嘅嘢重新嚟过，用唔同方法去呈现，系缘份或者天意啦，好多嘢唔系我可以控制，或者其他人可以控制，大家有好多开心或唔开心经历，我依家睇法好顺其自然，佢哋觉得开心、enjoy咪得啰！”