《人生马戏团》男星还原钟嘉欣杨思琦被追斩失踪真相：好阴功

无线剧《人生马戏团》2005年拍摄，至今已经20年，观众未必记得里面的剧情，但相信都会记得网民常常讨论的“人生马戏团事件”。此剧主角为陈浩民、唐文龙、杨思琦、钟嘉欣等，剧组在广州番禺拍摄期间得罪黑帮及遇袭，历年来常常有传当时两位女主角失踪72小时，指她们遭歹徒辣手摧花，使得钟嘉欣回港后都戴住黑超遮掩哭肿的双眼。

《人生马戏团》最出名的，是剧组被追斩令两大女角失踪的传闻。（TVB）

有份参演的欧锦棠，近日在其YouTube频道“乜乜棠水舖”中，解开两位女角失踪之谜，他都有份拍这套剧，但案发当日并不在场，不过他亦从其他人口中得悉事件，他说：“大家都会知道，中间有过不愉快事情，剧组俾当地啲流氓斩，唔系一个半个，系一班流氓！据讲系两架车，嚟到佢哋日用膳间酒家，喺二楼，两架车落咗嚟就上去劈友，开车门啲友就擸水喉刀，都讲唔到长刀、牛肉刀定西瓜刀，讲唔到，总之香港兴‘老牛’，上面用咩刀唔知，总之都系大把，见人就打，见人就劈！当然好多同事争相走避，夺门而出，撞烂对玻璃门，都有同事受伤，劈到只手入医院，好彩无大碍。”

有份参演的欧锦棠，近日在其YouTube频道“乜乜棠水舖”中，解开两位女角失踪之谜。（YouTube@乜乜棠水舖）

他形容事件为“无妄之灾”，庆幸避过一劫，他认为事情十分吊诡，因为香港摄制队上去内地拍摄，被当地流氓斩，要查一定查到，又问：“乜嘢咁大仇口呢？分分钟会搞出人命㖞，乜嘢仇口会动用到两架车，上嚟见人就打、见人就斩呢？”他指一般“收陀地”最多都是骚扰拍摄，更甚者打烂器材，但今次事件明显是严重得多，他得悉有传闻指某演员去夜店撩到某些大哥的女人，对方咽不下这啖气，所以要动手，“真系未必同钱有关，同啖气有关，边个惹呢个事端呢？唔知喇。”他指剧组没有报公安，但事情都扬了开去，最终竟然仍不了了之：“奇就奇在公司叫大家唔好再讲呢件事，嗱嗱声拍咗返香港，真系又无事，当无事就唔查，咁就不了了之。”

欧锦棠认为，要用两车刀手去斩人，肯定非一般“收陀地”，而是得罪了人，对方吞不下这口气因此动手。（剧照）

之后欧锦棠入正题，指大家都会讲起钟嘉欣杨思琦的传闻，表示：“因为啲人四散，啲人追住你劈，真系四散，各有各走。人哋梗系讲到好唔好，女仔唔见咗、失踪咗几多分钟，跟住出现返，之后冇嘢，怀疑佢哋遭受到一啲辣手摧花，有唔好嘅事情喺度，好阴功嘅呢样嘢。”他用理性分析事件，从两女对媒体讲的版本，再综合剧组人员版本， “两个女演员走，畀人追，佢哋走咗好远，因为当地啲街灯唔系咁充足，亦都有啲地方比较村落性，荒芜一啲，呢个我记得系思琦讲，俾人追，佢就行到一处有条桥，就跳咗落去，佢见到有啲草丛有啲垃圾，佢跳落去就匿埋。唔理喇，就拉嘉欣匿埋，跟住啲人走过咗，佢哋一路喺度匿咗大概超过半小时，真系肯定冇人返转头，亦冇人行过，佢哋先走出嚟然后返酒店，当然啲人信衰嘢多过呢啲。”

当年有传闻指，女主角钟嘉欣、杨思琦遭内地黑帮辣手摧花。（VCG）

他指因为思琦和嘉欣不熟路，所以未能确实讲出藏身之处，但其实欧锦棠推断出在哪里，他表示：“我就钟意行去一度，距离住宿酒店度，大概都有十几分钟嘅路程，如果行路。有个生果档，我会喺度买啲生果返房自己食，系得度有生果档，好得意。去生果档之前，我谂相隔大约十呎左右，一条干涸咗嘅河流，应该叫河床，因为冇水㗎喇，中间度有一条，普通（路），汽车就唔够，电单车、手推车过到去嘅一条桥，条桥都系用水泥铺，上面好多泥土，睇唔清楚，好旧。咁个河床干涸咗，所以生咗好多好高嘅野草出嚟，加上当地人将垃圾抌落去，啲唔系一般垃圾，系大件嘅木板，一块块咁抌落去，有时有胶桶咁，佢唔会有恶臭。”

他续说：“原来我讲个地方，好多同事都唔知度有生果卖。呢个之后我就听咗，印证咗思琦佢哋讲话喺个度匿埋，佢话唔知度系咩地方，因为夜晚，后尾一路跟住街灯返去酒店，佢话有咁嘅地方，一讲我就知，就系exactly我话我去买生果必经之处，条桥下面干涸咗嘅河床。”

欧锦棠综合多方说话，指出当时两女是匿藏在酒店10分钟路程，桥边附近的河床位置，而自己去买生果时都有经过该处。（VCG）

他说自己不是想帮谁讲公道话，但觉得做艺人真的很可怜，“我最百思不得其解，唔俾人出声又唔讲点解有件咁嘅事，又唔追究，大家嘻嘻哈哈，受伤冇赔偿，真系搞出人命点算呢？”欧锦棠说自己当日不在场，但这个可谓他拍摄以来遇过最荒谬的事情。

欧锦棠表示：“我最百思不得其解，唔俾人出声又唔讲点解有件咁嘅事，又唔追究，大家嘻嘻哈哈，受伤冇赔偿，真系搞出人命点算呢？”（YouTube@乜乜棠水舖）

事实上，钟嘉欣曾至少两次向传媒回应事件，不过都是事件发生多年之后，一次是她以英语受访，节目讲到她遇见神的经历，她说自己是躲在被树枝包围的角落，因此未被发现，嘉欣直言当刻以为自己必死无疑，只好祈祷，她说：“主耶稣，我唔想死，我想见我父母，孝顺佢哋，唔想佢哋伤心。”瞬息之间，一片寂静，当她张开眼时发现那班人已无影无踪，亦感受到是神帮助自己逃出生天。

钟嘉欣曾在英语访问中，讲到自己在事发一刻祈祷，之后感受到神迹，得以逃命。（YouTube@Smart English TV）

另一次是《娱乐3兄弟》受访，她绘形绘声说：“唱到一点几左右，大部份人都走晒，净系我哋十个人一齐走，我最心急，行到最前截的士，一开（的士）道门，有十几二十个男人，拎住咁大把圆月弯刀跑过嚟，闪令令，我最前睇得最清楚，佢哋举起手讲‘别走’（普通话）！我觉得系追杀我哋，追到掘头路，我觉得我哋死梗！但唔知点解有啲砖叠到咁高嘅，有啲垃圾又系叠到咁高，又有啲树枝，宁宁舍舍有咁大个窿㖞，我就话‘思琦！跳！’我喺啲窿罅度见到佢哋只脚，拎咗啲电筒照住想揾我哋，下真系好惊，我真系以为会死！”当后来助导致电告知“坏人已经走咗”，嘉欣仍不敢现身，怕一起身就会被捉住，“最后我冇出嚟，又损咗只脚，最后佢（工作人员）揾到我哋，之后我系咁爆喊，次之后真系有创伤后遗症！”她表示自此每次听到的士开门声及铿铿声都会很害怕和爆喊，花了一年半时间才慢慢走出阴霾。

事隔十年，钟嘉欣曾在节目上谈及《人生马戏团》事件，指对方拿著“圆月弯刀”，她在事发后有创伤后遗症。（TVB）