TVB视帝密密做赚“奶粉钱”！老婆生日送20万Hermès都不算劲

汤洛雯生日马国明送20万Hermès唔係最劲　呢样畀埋佢真係一世无忧

马国明与高海宁今日出席TVB 内联外通新篇章大湾区影视华采发布会，问咗马国明有否多练习普通话？高海宁即说：“佢叻咗好多喇。”马国明说：“啲观众好锺意我嘅港普。”

提到早前王浩信于内地综艺跳网红舞，马国明说：“我都有跳，之前宣传《执法者们》上咗《今晚好犀利》跳，但係我跳舞唔掂，嗰次都无练过，打天才波。（跳唔跳到王浩信嗰啲？）嗰种我唔得。”

马国明之前在微博发文被网民笑，对此他说：“我知咩事，嗰篇文係宣传部畀我嘅，我唔睇就出咗，之后先知原来有啲嘢要删嘅，但係啲粉丝锺意，睇得好开心，公司叫我删，咁我就删咗。我唔介意畀网民笑，每次有呢啲宣传稿我都係copy & paste，下次公司要执咗先send畀我。”

问到马国明是不是送了一个价值20万的Hermès手袋给老婆汤洛雯做生日礼物？马国明想了一想说：“秘密，我送咗好多嘢畀佢㗎，我成个人都係佢嘅。（成副身家畀晒佢？）係呀，两公婆无计，一世㗎嘛。”高海宁亦说：“我证明佢讲嘅係真话。”

马国明又谓月尾会同老婆汤洛雯一起去马来西亚工作，感到很开心，是两人首次一起出trip工作，坦言想有多些这种机会，又大讚老婆唱歌很好听。问他可会自荐带老婆一起上内地综艺节目，他说：“我唔会自荐咁cheap。”至于何时生BB？马国明表示随缘。

高海宁就表示早前出trip去英国非常好玩，周嘉洛与黄庭锋是很好的“脚”，他们还在天台游绳下来，很难忘。

问到利物浦胜利巡游当日有车衝向人群的意外，高海宁表示他们当时与事发地点有20分钟距离。另外，对于早前怒斥航空公司延误了她的行李一事，高海宁说：“因为我要紧接住工作，所以好心急，最后用其他方法解决咗，下次要预备足啲。”

马国明密密做赚“奶粉钱”　一份人工养两个家庭：好大压力㗎

“视帝”马国明近年身价急升成为广告代言宠儿，日前才刚出席TVB广州发布会，翌日就要回港出席汽车店开幕仪式，之后又赶回广州出席品牌活动，再为《新闻女王2》赶拍摄进度。

今日（13/6）马明出席汽车店开幕活动时表示：“呢几日係忙啲，阵间都要返广州，听日又返深圳拍《新闻女王2》。寻日佳导（锺澍佳）都宣布咗係台庆剧，所以都尽量七月尾前完成，因为仲係好多后期做。”

谈到近期的工作，他笑言要多谢大家支持，又十分谦虚的说：“我哋好抵用嘅！好似啲车咁，我哋性价比好高嘅。其实早排播完《执法者们》，所以内地近排都多嘅。

（赚奶粉钱？）赚定，咩钱都好啦，将来都唔知有咩用途。而家经济唔好呀嘛，都要积穀防饥，我係一个比较稳阵嘅人。我觉得钱係要使嘅，应使得使。”

他坦言，收入分了几部分，部分交给太太汤洛雯，也有部分交给父母：“香港要搵工作好大压力㗎。我阿爸退咗休廿几年，两边家庭都要支持吓。”问到“造人大计”，他就表示随缘。