吴若希与麦美恩绝交反面互窒，好友丁子朗亲解二人最新状况

早前麦美恩与吴若希这对9年的好姊妹突然“情断”，上月底吴若希突然在社交平台发文表示要和麦美恩绝交，而麦美恩亦留言：“得一首歌嘅一姐”。虽然二人都有分别回应过传媒，但就避谈“反面”内容，而与二人份属好友的丁子朗日前（16日）出席《2025 TVB年中节目巡礼》时就被问到是否有内情。

吴若希和麦美恩割席？（IG图片）

麦美恩曾在IG上分享“旅行团”合照，吴若希更曾在帖文底下留言：“一家人认证”，如今此情不再。（IG图片）

吴若希和麦美恩曾经是好姊妹，如今⋯⋯

丁子朗接受《香港01》访问时被问到是否知道吴若希与麦美恩因什么事而“反面”时，他表示自己都想知道，但就透露当时的情况：“话说有一晚，因为我哋四个人有group chat嘅，我啦Jinny啦Mayanne同埋大哥（森美），咁突然之间佢哋一晚个group chat入面有百几二百个message，我瞓咗觉起身嘅百几个message。跟住我就已经系唔得闲咁睇哂佢啦，咁我就问咩事，跟住佢就话仔你唔好理啦咁样。”

丁子朗接受《香港01》访问时被问到是否知道吴若希与麦美恩因什么事而“反面”。（胡凯欣 摄）

丁子朗指之后在网上看到很多新闻，但就没有理会，他表示在通讯群组中正在约看演唱会：“我好似约紧Mayanne一齐睇演唱会嘅嚟紧，咁但系唔知Jinny去唔去啊。（有冇睇返啲讯息了解发生咩事？）系啊，我冇睇返！你知唔知佢哋系一晚百几个message啦，之后间唔中都会有百几个message出现。”

丁子朗指之后在网上看到很多新闻，但就没有理会，他表示在通讯群组中正在约看演唱会。（胡凯欣 摄）

丁子朗续指群组里的讯息他没看是因为有太多的对话，但就觉得自己应该要看一次：“其实我应该都系睇下，咁就应该知道来龙去脉系咩嘅，但系我冇睇到。（依家佢哋有冇倾返偈？）譬如有时大哥讲嘢，咁大家都会回复㗎啦，冇理由唔回复㗎嘛。（即系你都唔知佢哋咩情况？）我都未得闲问。（你会唔会劝交？）唔会劝交啦！啲嘢都唔系到我做啦，大哥喺度都未劝交，大哥好似当冇事发生咁样，继续喺度谈笑风生update下大家，做咗啲乜嘢咁。我话畀大家听我好眼瞓，最近开紧戏咁样，真系大哥好似当冇事发生咁样，可能大家都觉得系啰。”

丁子朗继续表示群组里的讯息他没看是因为有太多的对话，但就觉得自己应该要看一次。（胡凯欣 摄）