广东
崔锦棠（Tony）凭《爱．回家之开心速递》中“Andy Sir”一角深入民心，观众或许只见他萤幕前风趣幽默、热血认真的一面，但原来他童年曾因天生右耳缺陷而极度自卑，总用头发遮住耳仔，甚至一度考虑整容，不过因为已故艺人曾伟权的一句话，才令他彻底释怀。
崔锦棠日前接受“HKPAG 香港演艺人协会”访问时，透露自己对容貌自卑，根本从未想过做艺人。他说：“我一出世就有缺陷，其实一出世都系一个其貌不扬嘅人，亦都系俾人取笑嘅人，同靓仔完全无关。我嘅人生，喺我成长过程我唔会有自信，唔会觉得自己系一个靓仔，同埋以前细个好直接，觉得做演员就系靓仔，唔会觉得我会从事幕前，从来冇谂过，同埋真系好高不可攀，冇谂过会系咁。”
崔锦棠近日受访，剖白小时候因为耳朵缺陷被同学取笑，他因此一直很自卑。（YouTube：HKPAG 香港演艺人协会）
崔锦棠说自己右耳有耳珠，但没有上面半截耳朵，从小时候就被同学取笑，因此一直到出来工作，他都习惯用头发遮掩缺陷，直接拍古装剧《天命》时，监制叫他剃头。他表示：“我同监制讲，我剃头，咁我只耳你唔介意咁样出嘅？佢话唔介意，咁就由时开始坦荡荡见人，其实好唔自在㗎段日子，但系慢慢适应，其实一直做到《爱回家》都好，既然时由陆军装开始做，头发都系留呢个长度，监制就话唔好搞咁多嘢。”
崔锦棠指自己在《天命》后才开始让自己的耳朵曝光幕前，但坦言自己尽量用左边面见人。（TVB）
崔锦棠平日影相都用左边面见人居多。（Instagram：tony_chui）
现时科技进步，其实可以做整容手术，不过监制就跟崔锦棠说：“其实你有冇需要？我哋唔需要你整㗎！其实你整咗我都唔知点交代你个角色㖭。”他指自己有几个原因打消了做手术的念头，首先这个手术规模不小，可能要分几次做，自己年纪又大，复原能力慢；二来他根本不可能停工几个月，因为要养家；不过，最后一个原因才是令他真正释怀的主因。他说：“对于我耳仔，其实我而家睇镜头我都尽量睇呢边（左边），但系一影到呢边（右边）我自己都唔钟意、唔开心，但系好大嘅释怀都系多谢权权，曾伟权，过咗身嘅权权。因为有一次咁啱我约咗个监制倾偈，监制都识踢波，都熟啲，佢约咗权权，我讲开我做呢个手术好唔好，佢话你问权权有咩意见，权权同我讲呢番说话对我好大影响，‘其实唔使介意你有你自己嘅character。’佢举个例畀我，话睇吓当年嘅吕良伟，佢好介意自己嘅疤痕，但系最后条疤痕就系佢嘅icon，咁样令我好大嘅释怀。’
崔锦棠直言，自己一直有想整容的念头，但最后因三个原因而打消。（YouTube：HKPAG 香港演艺人协会）
曾伟权的一番话，是令崔锦棠放弃整容的最大原因。（YouTube：HKPAG 香港演艺人协会）
做演员前，崔锦棠其实是体育界猛人，年轻时曾三度代表香港出战三项铁人世锦赛，后来又做过有线电视体育评述员。机缘巧合下加入名导演徐克的公司做场记，曾与吴宇森、黄沾、施南生等电影界伟人共事，他透露当时自己在徐克公司收到信代表香港去出战世界赛，“施南生捉住我入去同老板讲：‘Tony好叻仔！代表香港！’老板同沾叔倾紧偈，第一个知道我代表香港嘅就系施南生、徐克同埋黄沾，唔系我老豆老母。”
崔锦棠从小是运动健将，年轻时曾三度代表香港出战三项铁人世锦赛。（Instagram：tony_chui）
崔锦棠又曾担任体育评述员多年。（Instagram：tony_chui）
崔锦棠又曾担任体育评述员多年。（Instagram：tony_chui）
他透露当时制片经理已经是钟珍，他工作的那段时间，公司正好在拍《喋血双雄》，自己日日都见住“发哥”周润发，如发梦一样，但更让他惊艳的，是首次见到李嘉欣。崔锦棠忆述：“啱啱当选嘅李嘉欣上嚟casting《人间道》，第一眼见李嘉欣，真系惊为天人。时我做场记，每到lunch hour，reception出去食饭，我就会坐reception，得我一个坐喺度，一般熄晒灯，都暗，我帮手剪紧报纸，突然间有把好清纯嘅女声‘唔该，我约咗徐克。’我一昂高头，系李嘉欣！时化淡妆，啱啱染咗金头发，我真系擘大个口得个窿，你…你…你…等等……阵，真系做戏一样！呢一世人未试过见到女仔系咁！”他又试过见到张国荣上来开会，不过就未有机会与对方说话，只见他坐姿很有型、很潇洒，坦言：“型到揾唔到第二个！”
崔锦棠第一次见到李嘉欣时，被对方的美貌惊艳到擘大个口得个窿。（YouTube：HKPAG 香港演艺人协会）
从体育评述员转战演员，崔锦棠以往多饰演纪律部队角色，连署长都做过，他没想过会演到今时今日的“谐星”Andy，他形容演艺界带给他很大满足，做到不同角色，体验到现实人生上无法经历的事情。不过他亦仍然心系体育，“运动畀我无限嘅满足，所有嘅honour、self-respect都系来自运动，因为我系一个什么也没有，甚至系带有缺陷嘅细路仔，喺成长过程入面第一次受人哋尊重，都系因为我运动嘅成绩。但而家喺街啲人叫我Andy，个满足感好大，呢两日感觉到真系好高人气，收益唔高，但人气真系极高。”他说自己要养家，最重要顾住出粮、够钱用，有剧拍就尽力而为，有波讲就尽量做好，又说：“好似啱啱呢次奥运，临尾唔够人开台都摆我入去，我系冇问题！不过我唔系著主持西装，著嘉宾风褛，其实我做紧主持，唔紧要，最紧要有工开。同埋我好钟意讲体育，一因埋位我好开心、好生猛，一做运动有关我成个人生猛晒！”
崔锦棠曾在《爱．回家》一人分饰多角。（TVB）
崔锦棠没想过自己有机会凭谐星角色入屋，他说：“收益唔高，但人气真系极高。”（Instagram：tony_chui）
在去年的奥运，崔锦棠能以嘉宾身份做主持都很开心。（Instagram：tony_chui）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
