广东
无线真人骚《女神配对计划》节目今日（22/3）于将军澳电视城进行海选面试。其中一位男参赛者高汉良，现年53岁，他接受《香港01》访问时透露失业已有2年：“其实我失业之前系做地产代理，同埋点解我会嚟参加，系因为自己唔够自信，好想透露呢个节目增强自信心。本身我系冇谂过可以嚟面试，因为自己又唔靓仔，都接近样衰，但竟然有得嚟面试，自己都觉得好神奇。”
高汉良透露现时失业。（陈顺祯摄）
问到多久没拍拖？高汉良表示：“自己拍过3次拖，通常都系对方追我，同我表白多啲，而我本身唔系咁主动嘅人嚟。变咗我都十年冇拍过拖，感情好孤单。（3段感情分别维持几耐？）有啲一年，有啲半年左右。分手理由都系性格不合，最终系大家冇揾大家。”
高汉良大爆圈中有男艺人狗眼看人低。（陈顺祯摄）
配对方面拣边个女神？高汉良说：“我钟意嘅都唔系入面，我本身钟意郭柏妍，因为佢份人好。（咁有边啲艺人唔好？）因为失业，好多时都会做临时演员，试过上TVB嘅车，被男艺员问话你有冇上错车，仲第一句就讲你哋冇资格上嚟架车，我哋就好似低等动物咁，好似狗不能够进入咁，我觉得唔使咁，大家都系人，今日你掂，就唔代表你永世都掂。当时我都有反驳佢，你问返啲工作人员，自己当时听到都会唔开心，咁唯有自己努力啲。（系咪好红？）又唔系好红，就系唔红，所以系唔得志啲啰，阶级观念都好大。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
