车婉婉5大情绪转折位，喊戏晒演技大获好评

无綫剧《痞子无间道》昨晚（14日）一连两小时播映大结局，最终迎来众望所归的大团圆，周嘉洛、陈滢、王灏儿(JW)和朱敏瀚有情人终成眷属，大魔头曹永廉则恶有恶报。

不过大团圆之中仍留有遗撼，就是黄子恒饰演的“范泰帅”，为了拯救一直深爱的“思朗”（麦美恩饰），竟舍身成仁连人带炸弹冲入海中，最终于半空被炸死，壮烈牺牲；但值得安慰的是，泰帅不但于临死前与思朗冰释前嫌，还向思朗送上深情吻别，死后还恢复了捕快的身份并获得了高荣誉葬礼。不少网民留言肯定子恒演技：“今年最佳男配角最后五强应该有佢”、“佢真系做得好好”。子恒受访时坦言当初得悉“死讯”时，也因太投入感到不舍、一度哭成泪人，成为众人的笑柄，子恒说：“当时拍摄时因为系飞纸仔嘅，大家都唔知结局系点，直到出剧本先知角色最尾会死，有日放饭时，我突然醒起原来嚟紧嗰场戏，就系我最后一次见到嘉洛同陈滢佢哋，我就忍唔住喊，心谂：‘原来我哋冇机会再见喇！’。我觉得应该系因为当时真系太投入，所以会有呢种感觉，我记得我系喊到要行出厂，之后阿滢万岁请食雪糕时，仲拍咗条片话要睇我喊添！”

车婉婉表现卓越。

大结局中“洁姨”车婉婉的喊戏亦非常抢焦，当爆出“仁”周嘉洛的真实身份是“万千霞”马海伦失散多年的儿子“思春”后，车婉婉含著满眶眼泪向着嘉洛道歉：“对唔住，我呃咗你咁多年。”之后激动得面红耳热爆喊：“我好憎你呀！咪乱咁叫你做费仁咯！”对儿子又爱又恨满是挣扎和辛酸，最后再得悉“公子”朱敏瀚就是自己的骨肉时，车婉婉流露出伤心中见茫然，情绪转折恰到好处，演技获网民赞相当立体。婉婉开心收到不少正评，感激监制赐予这大挑战的角色：“因为个角色系好大twist，神经质、搞搞笑笑之馀，仲有好多感情戏，大喊大笑大开心大伤心咁，希望大家睇完《痞子》结局后，觉得搞笑之馀仲系有笑有泪。”婉婉坦言为喊戏事前做足功课，整理了角色头20多集累积的鬱结，所以拍摄时尚算顺利：“虽然我个水煲易著嘅，但都要有感觉先嘅，同埋拍喊戏我通常两、三个take内要自己完成到，因为真眼泪喊唔到太多，系会乾塘，个角色因为都屈住咗好多嘢，所以感情都嚟得自然。”

车婉婉是好戏之人。

婉婉续指另一难忘位是剧中子女成群，最后是周嘉洛、JW、朱敏瀚及陈滢全部都是她的儿女，问到现实中也是妈咪的她，搞笑地分享升Key教仔大法：“其实好多父母都同洁姨一样闹完又锡番，其实BBQ曳嗰吓，都要凼吓闹吓，例如叫佢做功课，你都系用爱心讲，但佢又未必听、又未必肯埋位，埋咗位又未必坐得低，于是我就要好似唱歌咁升Key，一路升Key，升到一个位佢好惊慌就会喊喇！我个仔好得意嘅，佢会问：‘妈妈系咪你唔爱我喇？’，我就会谂系咪个key高咗啲呢？跟住我哋会和解，我会讲对唔住。其实做妈妈嗰样嘢，我喺呢套剧都有投射到出嚟，同埋戏里面最后全部都系我仔女，我觉得好好笑。”

车婉婉相当好戏。

车婉婉技胜一筹。