与谭玉瑛互窒爆料 郑伊健买楼投资变负资产

与谭玉瑛互窒爆料 郑伊健买楼投资变负资产 在家冇话事权

郑伊健现身新城广播接受好友谭玉瑛（阿谭）、何基佑及麦皓儿主持的《QK玉瑛室》录音访问，伊健和阿谭因合作儿童节目《430穿梭机》而成为好友，两人久别重逢，互窒兼互相爆料，为直播室带来欢笑声。

伊健近日忙为电影《久别重逢》宣传，提到戏中饰演“少年郑伊健”的陈卓贤（Ian），他笑指Ian极像初出道的他：“答问题都係答一两句，不过，我家已经讲多咗嘢。”

伊健近年閒时与太太蒙嘉慧（Yoyo）旅居日本，早年伊健打本给Yoyo在日本开设房地产公司，事隔数年，Yoyo近日决定“回流”返港，伊健称：“嗰边学习完就算，家游手好閒。（陪你打机？）睇吓咩机啦，佢有少少沉迷，我係试玩，但佢一定要打爆机，锺意玩就会係咁玩，直至有一日唔想玩。（你影响太太？）唔关事，佢本身性格好男仔头。”

何基佑形容伊健有太太陪打机，又可以做自己喜欢的事，绝对是人生胜利组，甚至死而无憾，伊健搞笑说：“你返屋企会唔会有事？”阿谭向伊健说：“你唔好睇小我，我一次机都未打过。”伊健笑指：“但你係饮红酒师祖级人马。”随即表示要爆阿谭料：“佢做紧儿童节目时，已经饮红酒，但嗰时社会好封建，话饮红酒就唔可以做儿动节目，所以我保守个秘密，直至家先讲。”

阿谭大爆伊健拍儿童节目时记稿最差，但伊健给他的感觉乖巧又正气，她说：“佢啱啱出嚟做嘢，有日同佢倾偈讲抱负，佢话第日要买间屋畀父母住，我当时都冇谂过，唔通我真係咁不孝？”

伊健自爆当初听前辈意见，挣到钱要买楼投资，怎料惨变负资产，他说：“我好听话真係买咗楼，点知一买楼市就冧，可能买多咗，变咗负资产，已经唔记得蚀几多，总之我就明白一句说话，就係‘无事一身轻’，点会谂到好畀心机工作，但无啦啦多挞瘌，好彩仲有得做，慢慢填晒啲凼。”

伊健和Yoyo结婚超过10年，阿谭问他心态有没有转变？伊健说：“冇。（你係一家之主？）都係两个人啫！（喺屋企有话事权？）冇权话事㗎！但我哋想法好接近，够用就得，已经好开心。”阿谭问伊健为何不生育？他指看新闻觉得世界太乱，所以怕了，随即反问阿谭：“咁你都一样㗎！”阿谭没好气说：“呢条问题由我嚟问真係激气。”